23 OCT 2013 三木韓國料理 + 翔龍小籠包

哈哈哈

我成日話老公中左韓國毒

其實我都唔好得佢幾多

今日約左表姐拎 D BB 衫俾佢

又同佢去食韓國料理

表姐公司老闆係韓國人

所以佢介紹得既應該都係好野

三木韓國料理

平均一個 LUNCH 係 6X-7X 不等

格局有少少韓式

不過 D 待應好似聽唔到我講野咁

叫左好耐先有人理我地

6 小碟

表姐加多句話要韓式既

唔知同平時有乜分別呢

本身又想試下新野 - 泥鰍湯

但係待應問有無食過, 因為佢話會有少少腥

ER.... 你咁嚇我

我都係打退堂鼓了

叫左個穩陣既泡菜豆腐鍋

表姐既燒雞肉飯

煎得幾香口, 送飯一流

一頓豐盛的午餐

上次表姐請, 今次就輪到我請啦

*************************************************************

晚上

約左由韓流回港的韓 MO

咁人地係韓國返黎, 無理由又去食韓野啫

本身韓 MO 都幾愛食 PIZZA

所以揀左

薩莉亞意式餐廳

但估唔到平日都幾多人囉

我地又湊住 JUJU

佢地 BB 櫈又唔多, 所以都係轉場了

轉左去隔離既

翔龍拉麵小籠包

唔駛等位

仲有青蛙兒童餐具提供

呢位小 JU 見到好開心

YUMM YUMM YUMM

口水雞

唔好食既

個味道怪怪地

UM... 呢個唔記得咩名堂

但係配料多於主菜

=.=

油淋淋既賽螃蟹

本人唔太喜愛

係叫俾 JUJU 食既嫩雞煨面叫做好 D

我諗我之後都唔會再黎食了

21 OCT 2013 金裝幼兒樂 X PARENTS CLUB = KEN SIR 講座

前排收到風

幼兒樂又有早教既講座

雖然 JUJU 唔係食呢隻奶粉

不過係 FREE 既, 又想去八卦下

入到去有好大個廣告牌

但係成個講座都無提及過要食呢隻奶粉先會變乖巧架喎!

其實個講座大部份既訊息都係叫我地要有良好既溝通

唔單止係親子之間

夫妻之間既溝通都好重要

唔好樣樣都以物質為先

有時少少既野小朋友都會好開心

唔駛下下都諗到咁複雜

聽完之後都覺得呢個講座幾實用

會糾正返好多錯誤既思想

另外仲有一 PART 係教我地點樣去以圖像既方式去記 16 個無厘頭既生字

我聽完成個禮拜後都仲記得

呢個方法真係勁!!

我覺得呢個講座都值得去聽架

家 長 會 PARENT CLUB

聽完講座

去左 APM 食野 

排隊時仲見到好多阿童木

自助拎飛

等一張檯咋!

終於見到佢有大慕集

我唔客氣喇!

20 OCT 2013 初見契表哥 + 二舅公乳豬生日會

話說 JU MA 有個契大佬

識左十幾年...UM...計落都就黎廿年了

果時其實契來契去咁玩

無諗過到宜家咁多年後都係以兄妹相稱

雖然大家拍拖/結婚/生小朋友後少搵左好多

(其實係 JUMA 無心肝)

不過我地一搵又會好好傾,

宜家 JUJU 大個左, 我地都習慣左同佢出街走難 MODE

所以係時候要拜候下契舅父同埋契表哥仔 X2 啦

以前無拖拍, 會跟住契大佬返屋企同佢個大仔玩

霖霖哥哥

話咁快就 8 歲喇

真係時日如飛!!

波波哥哥

佢出世後我就同老公拍拖

宜家 3 歲 

我都係第二次見佢咋

初時見面佢唔太喜歡 JUJU

可能係第一次有個咁細個既細路出現

搶左佢既風頭

但之後佢都肯同 JUJU 玩呀

不過飲茶時間過得快

最衰佢地住得遠

唔係可以得閒約出黎跑下山

應該會幾開心既!!

飲完茶行左陣 MEGA BOX

我地就出發去生日會咯

今日係 JUJU 二舅公生日

我地攪左個 PARTY 仔

一上到去太太屋企

婆婆已經話要同 JUJU 影相

有兩隻乳豬

孖妹嘜 + 兩老表

危險動作 1

HAHA

點解你個樣咁正經既

WARM UP 之後好好笑容

大合照

祝二舅公身體健康, 開開心心

JU BA 好鍾意 HAPI 表哥架

見到佢又要捉佢影相啦

兩個仔,,,發達啦你

哈哈哈哈

生日 PARTY 後就送左 JU婆JU公同JUJU 去搭車

我地兩公婆又可以拍拖行街街 LU

16 OCT 2013 拍拖 59 個月, 男人街 + 隠家拉麵工場

星期三, 拍拖日

再加上係我地拍拖 59 個月

真係要好好地咁慶祝一下

今日我地決定左去行男人街

真係好多野賣

其實主要係搵返個 EAR PHONE

因為我原裝果個壞左!

呢個只係 $98 咋

抵玩!

之前係觀塘/荃灣睇

差唔多款既都要百幾蚊

呢度真係好多款, 又多顏色揀

之後就係老公既引領底下

去左呢度 

真係十年無黎過喇

記得中學時期鍾意踩冰

除左去太古之後, 有時都會黎下呢度

原來呢度都幾多野食架喎

向蘋果商場進發

排隊

呢度好細心呀, 如果排隊排得悶悶地

可以拎佢既漫畫黎睇

不過,,,我唔識欣賞囉

牆上有好多好多簽名 + 公仔

又係未入座已經要剔定野食

認住呢個牌

我地今日就係食呢間

隠家拉麵工場 

網上睇話幾難搵

地方係有少少隱蔽

但...我同老公都唔算搵左好耐

除左堂食, 仲可以外賣返去自己煮

等左 15 分鐘左右

已經入得喇! 

我地坐果張檯上方有個水壼

開頭以為佢係裝飾既

原來...係堅架

老公既 "隱世黑伝" + FIRE BALL

即係黑蒜油湯底 + 辣

我的 "隱世赤伝" + 追加蛋

即係蕃茄湯 再加多隻蛋

黎到我果碗有兩隻蛋

原來...每碗都有一隻蛋架

早知唔追加啦

呢度既檯檯櫈櫈都係用汽水盤叠架

我覺得好有風味

呢個係昆布醋

我地食到一半先加落個面度一齊食

又多左一份清新味

食飽飽

再行下呢個商場

曾經

呢個商場係以 "室內過山車" 而出名過

可惜... 宜家已經人去車空

排隊住仲俾實惠做埋貨倉添

超勁懷舊扭蛋機

如果有機會既話, 都要帶 JUJU 黎見識一下

十幾年前

屋企樓下開左間類似 "歡樂天地" 既物體

我地一家人

日日落去倒錢

懷緬完就走人 LU

~老公, 47 個月快樂~