8 NOV 2015
JUJU 第一次學校親子旅行
既開心, 又興奮 (我講緊我)
學校好細心咁安排左星期日
所以返 5 天半既我都唔駛特意請假去
但就要帶埋 TOTO 一齊去囉
一早起身, JUJU 就懷著開心既心情返學
(緊係啦, 有 JUBA 一齊嘛)
首先要入課室點名先
(嘻~~ JUJU 仲特別同我地講佢放書包個位轉左呀)
本身佢個放書包位係最高果格
可能老師見佢放書包會比較吃力, 所以同佢掉左去一個較低既位置
好開心佢可以同我地表達到呢
可以見到佢同其它小朋友一齊玩
真係莫明既興奮
我地 K1B 既小朋友都好準時
所以好快齊人可以上車 lu
其實今日天色麻麻地
落街果時仲好似想落雨咁
上到車, 老師就同我地唱下歌仔
唱完太陽伯伯, 過埋條隧道
太陽伯伯真係出黎同我地 SAY HI
然後係車上又玩左 D 小遊戲
感謝老師既安排
一班小朋友好開心咁渡過左差唔多 1 小時既車程
好啦~~ 到左啦
太陽伯伯一直跟住我地
曬到我,,,, 有 D 頂唔順
係咁流汗呀大佬
首先, 呢個 假日農場 都幾多野玩
第一次黎呢個農場, 點解我又知多野玩呢?
因為學校好細心咁印左小册子俾每個家庭
裡面除左有當日既流程安排之外
仲有一個小地圖
呢度除左有動物睇之外, 仲有好多遊樂設施
亦有好多自費既活動班
真係應有盡有
到達後我地第一個活動就係集體跳舞
原來每日 JUJU 返黎跳既扭扭舞
係配合 "世界真細小" 黎跳架
當日每個小朋友都好落力咁扭
但係呢個慢熱既小朋友
係最尾先開始扭
跟住又玩左 1,2,3 紅綠燈
呢位小朋友一見到佢最愛既同學仔 "TL" 就唔駛理我地喇
一齊跟住玩, 一齊跳
捕獲 "PC"
但係呢 2 位小朋友係貌合神離既
JUJU 看世界
宜家都會俾佢拎下相機周圍影下
佢都幾鍾意既
有時睇返佢既作品又好似睇到佢睇既野咁
個感覺好奇妙
之後去左玩鼓
呢度有唔同既物品
(有膠桶 / 有玻璃樽)
俾小朋友發掘下唔同既物品會發出唔同既聲音
由於太熱太熱, 我地只係幫 JUJU 帶左一支水
行左一陣真係頂唔順要去買野飲
勁香豆味 + 雪到結左冰既豆漿
JUJU 愛不惜手
想同你影張相啫, 你地兩個顧下我感受好嗎?
呢支豆漿賣 $15 咋
我覺得合理喎
話晒呢度都係荒山野嶺
之後仲試埋佢個洛神花茶
平時飲會覺得有 D 苦苦澀澀既味道
但係呢度呢個好好飲喎
飲落有少少似紫貝天葵既味
正呀~~ @$20
我地前後買左 2 支
而呢度既小食亭都有杯面呀, 燒賣呀, 雞翼呀咁
價錢方面都係合理既
我地買左燒賣 @$20/15粒, 同埋 @$20/4隻雞翼
再加埋 TOTO 既飯仔
基本上 2 個仔夠飽就得啦
醫飽左我地個肚
又係時候餵下小動物
呢度有山羊/白兔/葵鼠/豬/牛
基本上我地除左山羊就樣樣都有餵
小白兔 @$10 (一舊小蘿蔔)
嘩~~ 呢度好過錦田好多
起碼小白兔個籠都算大
加上地方都空曠, 唔太臭
JUMA 頂得順! 可以同亞仔一齊近距離觀兔
JUJU 餵兔仔時會將舊蘿蔔擺來擺去
我地留意左好耐
仲有阻止佢
話小白兔會食唔到
原來。。。。
佢話有隻小兔爭, 唔啱, 所以唔想俾佢食
HAHAHAHA
我同 JUBA 聽見都覺得好滾動
知道你內心好善良, 好靚
之後到葵鼠
@$20 / 魚竿加蘿蔔
(其中 $10 係按金, 還返俾佢可退錢)
JUJU 好喜愛
餵左 2 次
之後爸爸話要去餵埋豬同牛喎
豬係食包包 @$5
牛就食草 @$5
牛就食草 @$5
睇黎 JUBA 開心過 JUJU
呢隻就係小豬 "麥嘜"
本身佢係屋企無出黎架
我地掉左一小塊面包落去就引左佢出來了
然後好多小朋友一齊係咁掉面包
佢就好似吸塵機咁吸吸吸
話都無咁快就食晒
跟住就到牛牛
呢個係 **必須** 家長陪同呀
因為隻牛好大力
好彩 JUBA 無放手俾 JUJU 自己餵咋
因為 JUJU 之後唔想餵, 交左俾 JUBA
一不留神, JUBA 差 D 俾佢拉左落去做朋友呀~
之後我地又去草地坐下, 食下零食
今日我地都執左好多零食黎同小朋友一齊分享呀
好辛苦先叫到佢影相
睇下佢個樣幾咁勉強
之後又仲有 D 歷史文物
呢 D 石磨, 真係唔知邊度先再搵得返了
其實呢度仲有好多小遊戲
不過我地唔係好夠時間
我又揹住 TOTO 行動唔係幾敏捷
所以休息一陣就到回程時間了
嘻~~ 我地又見到 PC 同捕獲到佢地最愛既黃老師喇
今年雖然唔係好多時間可以同其它同學仔一齊玩
希望下次可以再熟落 D
再一齊玩過啦
回程既車上
9 成日訓晒
辛苦老師
仲要提醒我地落車
今日玩得好開心
希望 JUJU 都係啦
