21 OCT 2015
重陽節
中午同家人去左食齋
之後,,,,去左迪士尼
哈哈~~ 點解呢?
本身我地都諗緊有乜地方好去既
但早兩日媽媽谷有人提醒今日可以入園
喂~~ 難得既紅日竟然可以入園
緊係去啦!!
不過,,,,未去到停車場已經開始後悔
因為,,,,,私家車停車場已經爆滿
雖然佢會開放旅遊巴士停車場,,,,
但都意味著園內有好多好多好多人
有問過 JUJU 不如去草地玩好唔好
咁其實問得佢都預左佢會堅持
所以都講定入面會好多人, 要排隊排好耐
唔可以唔耐煩扭計
我地架 P3 又出動喇
睇中佢既原因係哥哥可以企係後面
不過其實個位唔係好大
JUJU 細細粒企上去都有少少窄
TOTO 宜家識坐
可以獨霸架車啦
入到場
剛好巡遊
由於十月有哈囉喂
今日大街既人物都會換左哈囉喂服裝
之前試過睇完巡遊即去排隊都截左龍
所以今次唔理喇, 去排左隊先
都已經排到好後囉
巡遊完左, 大街又開始人來人往
眼見條隊起碼排成個幾鐘以上
我就唔知哪來的勇氣
竟然用 I-ANGEL 抱 TOTO
拖住 JUJU 就走去排其它隊影相
其實都係為左佢地
JUJU 鍾意佢地多過 M&M 架
今日, 唔知點解
D 工作人員影相影得好慢
條隊好長好長, 但又郁得好慢好慢
真係等到燥燥地
JUJU 又開始扭眼訓
咁我唯有俾部機佢影下相啦
HAHAA
後面個日本仔哥哥
佢地都好好人, 有同 JUJU 玩左一陣呀
之不過, 最後....
JUJU 都係俾周公 CALL 左佢去
真係唔好睇少媽媽既小宇宙
我...竟然可以....
手抱 TOTO, JUJU 再坐係 I-ANGEL 上僕住我訓
訓左十分鐘左右
遠處既 JUBA 見到黎救駕
WU~~
眼見仲有十個左右就影到
唔好 "SIDE" 啦
我同 TOTO 影囉
返去回合 JUBA
都入到大直路喇
但都仲要等多半個鐘....
睇下 TOTO 幾嬲豬
排左咁耐, 無理由無 JUJU 份架嘛
咁我地差唔多到就不斷係 JUJU 耳邊講野
"嘩~~ MICKEY 好靚呀"
"嘩~~ HALLOWEEN MICKEY 呀"
"嘩~ 嘩~ 嘩~ 嘩~ 嘩"
JUJU 不敵我地既 "嘩嘩神功"
最後都起左身合照
不過未訓醒既樣
同埋唔肯自己同 MICKEY 影囉
好啦, 淨係排隊影相都排左 2 個鐘
都有少少餓喇
我地去左火箭餐廳食野
JUJU 一個人爭唔多食左半個飯~~ 勁~~
食完飯就等睇 "光影巡遊"
等睇巡遊時影
每次見到 JUJU 好投入咁睇巡遊
我仲開心過佢呀
會同佢一齊跳舞
個感覺真係好正
唔知仲可以陪到你幾多年呢?
睇完巡遊又要扮下野
問左幾次玩唔玩巴斯, 佢都話玩
果然大個仔係唔同 D
今次真係同左爸爸入去玩
我就同 TOTO 係出面等
玩完話要黎多 ROUND
原來 TOTO 都係得架
一家人入去打 "索克天王" 喇
嘻~~ 我坐後一架車
就可以影到 2 父子打怪獸喇
JUJU 都好投入架
係度又要讚下細佬 TO
雖然裡面既 "聲響" 都幾大
一般小朋友應該都會驚
不過佢可能太眼訓喇
我蓋住左佢耳仔, 佢竟然都訓得著
玩完又係度玩下玩具先走啦
好鍾意 JUJU 唔會蝦我地買野
(不過亦可能因為我地唔會輕易買玩具俾佢有關)
每次玩完, 佢雖然會唔捨得
但都會放返原位 SAY GOODBYE
當然~~ 佢都會要求我地買啦
(有一排呢個意慾仲幾強烈)
不過我地解釋過唔係每樣野都可以擁有時
佢又好似明明地咁喎
隔左一排又無再叫我地買野了
玩完玩具, 煙花都放完了
好啦~~ 夜深了
要返屋企 LU
沒有留言:
張貼留言