5 OCT 2013 JUJU 的小表弟 + 大滿足!

HOHOHO

JUJU 有升呢做表哥仔喇

今日得 JU BA JU MA 去做代表去探小表弟先

JUJU 要等滿月先可以去見小表弟喇

小表弟出生於仁安

前幾年佢家姐仔出世都係仁安架

但點解今次去仁安個 FEEL 公院左咁多既

14:00 開始

每 15 每鐘一 PART, 可以去睇 BB

HI, MR. WAFFLE 

(佢家姐同佢改既名黎架)

仲唔俾 EE 捉到你嘔奶... 嘻嘻

見家姐都好精神

我地坐一陣就走左了

因為返去湊 JUJU 大少

下次再去你屋企潮聖啦

返去之前, 同老公鬆一鬆先

大滿足!

哈哈...食黎食去都係果 D 啦

好耐無睇過咩碟係咩價錢

HAHAAA

最初好似只分 5 個顏色既碟

點解宜家有成 10 個色架

*****************************************************************

返到屋企

同 JU 大少去左深水埗

呢次到 JUJU 大滿足喇!!

去左玩具街 (福榮街)

已經開始滿佈 HALLOWEEN 既道具

我開頭以為 JUJU 會驚

點知佢見到南瓜仲同佢地 SAY HI

最後買左以下既物品:

臨急抱佛腳既我地

家陣史先買生果俾佢認

HAHAHAHAHA

$25  抵呀!

本身諗住買訓練小肌肉既木制轉轉玩具既

但淘寶真係好多,,,,又平過呢度喎

所以果 D 都係留返淘寶

然後就買呢個可以對顏色 & 形狀既蛋蛋

最主要係我見慧中都有呢樣玩具丫嘛

$30

近期 JUJU 喜愛楂筆

屋企有個兩年前美贊臣送既神奇畫板

不過真係細到......

見到呢個用水畫既畫板

俾佢吸引左

$90

原理就係入支水落去呢支筆度

再畫野

當 D 水乾左就可以重頭黎過喇

仲有呢 D 印仔

又係濕水就玩得

呵呵,,,呢個就係今日既代表作喇

老公一見到就勁想買

兜兜轉轉都係買左

$179

可分兩層

4 個碌啪上去就得架喇

我呢個家居白痴都攪得掂

haha...Buddy!

juju: 好迫呀, 你兩個都係走吧啦

舒服晒~

4 OCT 2013 DR. SUNNY + 日本手信篇

唔知係咪俾我冷親

JUJU 流左幾日鼻水

起初都係係鼻裡面

然後就演變成鼻涕虫

聽見佢訓著時鼻塞塞咁

聽見都覺得辛苦

當然, 婆婆有俾猴棗末

但最後都係覺得去搵醫生隱陣 D

呢排有媽媽組話大窩口有個兒科醫生幾細心

反正屋企附近果兩個都同 JUJU 唔夾

就去試下啦

一早打去登記

姑娘勁好禮貌

會好詳細咁問資料

(連邊間醫院出世都問埋)

同埋會問咩事要黎見醫生

最後我話會婆婆帶佢過黎

佢仲問我要唔要醫生再打俾我同我講病情添

嘩...今時今日咁既服務態度

真係難得!

DR. SUNNY

去到等睇醫生

病! 都係要玩既

盛惠 $320

如果兒科專科黎講

價錢可接受既

今次既藥

醫生係 LUNCH TIME 時真係有打黎講病情

佢話係有少少鼻水

但又未去到傷風喎

不過都開定 D 藥俾我地看下門口

問係咪鼻敏感, 佢就話咁細個未必睇到

不過都盡量唔好玩毛公仔呀果 D 囉

睇完醫生

好似生猛左

仲陪 JU 婆婆去食壽司

*************************************************************

晚上

JU 公公買左大閘蟹返黎食

跟住又收到 JU 叔婆係日本買返黎既手信

WOW

出年又可以買少幾件衫喇

呵呵呵

仲有就係呢個蝦餅

好好味呀

有 D 似我地細個時食既蝦餅

但就唔會痴住個咀囉

同埋脆好多

正!

食完一塊又忍唔住要食第二塊, 第三塊..........

亞 JU 呀~

唔該你快 D 好返啦

2 OCT 2013 拍拖去食部隊鍋

拍拖日又到

今時今日真係無乜精力諗去邊度

HAHAHAA

結左婚係咁架啦

其實老公想睇戲既

但我又唔想咁夜返屋企喎

最後都係去 KLN BAY 接老公放工

其實主要又係買野俾我地既老大 -- JUJU

轉季喇

係時候買返幾件底衫旁下身!

UNIQLO

HEATTECH 長袖底衫 @ $79

前兩年我同老公都有自己買黎著

夠薄又夠暖

JUJU 之冬季睡衣 @ $99

鍾意佢著一件過既夾衣訓覺

唔駛訓到打晒交又打開晒個肚臍嘛

潮童 LEGGING @ 好似 $79

凍果幾日要靠佢打底架喇

包底家居服 @ $99/2P

都係果句

唔駛打開晒個肚仔

FING 完錢

老公都收工喇

係時候醫下我地個肚

行左去淘大

嘩~~ 呢個地方真係有十幾年無踏足過

以前讀中學時係觀塘

果時無 APM

我地多數成班八妹落黎淘大逛

有一排真係日日都要行個圈先返屋企架

因為呢度有 YES STATION!!

以前係度買貼紙寫信, 抽閃咭!

都敗左好多錢係度架

HAHAHAHAHAA

呢度多左好多野食呀

成條馬路變左食街咁

我同老公本身都無乜頭緒架

點知見到有張 POSTER 寫住部隊鍋喎

呢期老公愛上韓國菜 (瘋狂地)

所以話要試下呢個部隊鍋喎

ME.N.U

除左部隊鍋

仲有西式既意粉

其實係一間食多國菜既快餐店

飲品請自行到雪櫃取

食部隊鍋就俾返韓式既食具

都幾認真呀

買完野食有個牌

然後等待應上菜

期待

~開~

其實我無食過部隊鍋

所以唔知 D 食材係咪正宗

不過就幾啱我口味

微辣, 飲飲下個湯又幾好味

本身覺得只得一個拉面

一定唔夠我地兩個食啦

勁有衝動叫老公 +$10 要個飯

老公話我地係慣性地眼濶肚窄

而且佢話可以後加, 咁就食到咁上下先啦

好彩無加到個飯, 我地兩個食到好飽

老公話冬天要食多次部隊鍋

食飽飽就再行下街

宜家 759 真係緊有一間係左近

同埋淘大三樓真係好多精品賣呀

睇到我唔願走, 但係老公就係咁拉我走

=.=""

最後乜都無買之下收左隊!!

4 Sep 2013 拍拖睇激戰

近期抑鬱引起

不斷扭計既 ju ma

終於同 ju ba 成功講數達成共識

以後每個星期會有一日拍拖日

今日係第一日

好耐無試過二人拍拖喇

我。深。感。興。奮

哈哈哈哈

ju ba 轉職後可以準時放工

未夠七點我地以經可以出現係 mega box 喇

唔知食乜好

諗起 ikea*food

兩個人的份量

未算過份吧

三文魚扒千層面

黑黑的是菜類

其實吃落無乜三文魚味

但味道尚算 ok

$39 不能要求太高吧

JU BA 最喜愛豬手

雞翼, 不過不失啦

JU MA 至愛三文魚沙律

特別愛那個酸酸甜甜沙律醬

真係好醒胃架

快快吃過晚飯

就趕去隔離睇戲喇

今日睇近期勁多話題既 *激戰*

片中既小妹妹做得好好呀

開頭以為係 D 打打殺殺既戲

會有好多打鬥既場面

原來又唔係喎

整體都覺得幾好呀

值得一看既電影

張家輝仍然走唔出 *化骨龍* 既影子

一見到佢個樣就好想笑

呢套戲有好多笑位, 但都有兩個喊位呀

老公見到我落淚,

顯得有點兒無奈

哈哈~ 係呀, 人大左個人好感性架

睇完戲又返歸了

本身想去 JUSCO 12 蚊店睇下有無野買俾 JUJU

但都無時間行喇

下次要再去行下先得!

回到 2 Jun 2013 第一個爬行大賽

DAY 279

ju ma 一直都想帶 juju 參加爬行大賽

一黎可以同佢見下大場面

二黎可以郁動郁動一下

之前有幾個爬行大賽都 miss 左

聽見荷花會舉行一個超大型既爬行大賽

緊係要參加啦

只要早少少黎到排隊

再捐 $20 就可以參加喇

原本以為會好多人一早黎到

我地 10:30 左右到達

11:00 開始報名

12:15 已經係我地既爬行賽喇

食完個早餐就要集合 lu

選手緊張地準備中

我講緊我

ready

juju 好明顯係超緊張

周圍眼望望

開始喇

但佢完全無視我

=.=""

出動最愛既檸檬茶 + 係終點等佢既婆婆都係唔肯爬

最後肯爬喇

但係一路爬一路喊

陰功豬豬

比賽完畢

終於冷靜落黎喇

同婆婆玩最開心

得得戚戚咁既樣

飲茶最開心

嘻

超無良心 + 同情心既 JU MA

又再一次迫 JUJU 去比賽

真係有少少不憤

明明佢係屋企爬出爬入爬得好快架嘛

飲完茶再去第二轉比賽

哈哈~~ 知道要被迫比賽既 JUJU

一直扮訓

過手再過手都係唔醒

你。好。野。

不過你有張良計, 我有過牆梯

出動 *星星* + 檸檬茶

仲唔引到你起身?

今次由爸爸陪你出征

加油呀 ~~ 亞仔

各選手已準備就緒

你呢?

最後起點與終點都係同一位置

唉~~ 睇黎要帶你見多 D 大場面至得喇

返到屋企又爬得鬼咁快

真係肥媽都俾你激奀!!