10 OCT 2015
一星期前收到晴媽通知
FB 內有個群組叫 "晴朗悅讀"
是一班媽媽組織的
會不定期舉辦"讀書會"
任何人也可參加, 免費的
不過因場地有限
所以名額會以先報先得形式配給
我知道後緊係即刻留位參加啦
仲好好彩俾我地排到,,,YEAH
JUJU 向來都鍾意聽故事
(我諗係小朋友都鍾意吧)
但,,,,有時我地真係太懶
加上屋企無乜故事書
所以都無日日同佢講呢
我知道, 小朋友係應該養成閱讀既習慣
希望,,,,,遲 D 可以開始啦~~ 哈~~
晴朗也主張分享閱讀
所以都叫小朋友帶 1-2 本自己既小圖書
去到分享俾其它小朋友睇
當然最後會自己拎返走啦
去到睇左一陣小圖書, 匯合到晴晴 (JUJU朋友)
WARM UP 完就開始喇
2 個超專心
跟住一齊做動作
今次我地聽既故事係關於 "聲音"
義工媽咪帶左一本會發聲既書俾大家一齊玩
小朋友們都好投入呀
聽完 "聲音"
又再會有個英文小故事時間
全程用英文講
然後又再會有一個中文小故事
最後仲會有運動同小手工時間
嘩~~ 呢 2 個鐘真係過得非常之充實
雖然今次同晴晴都無乜大交流
不過到最後 2 個都肯拖手仔一齊影相
呢個晴朗悅讀真係好好
除左小朋友有故事聽, 有遊戲玩
對於我呢個無乜講故事技巧既媽媽黎講
獲益良多
希望下次有機會再黎呢度聽故事啦
