27 AUG 2015 JUJU 3 歲, 上學去了

話咁快又 3 年啦

3 年前我將你帶到黎呢個世界

3 年後既今日, 我又要帶你進入另一個世界

就係

返 ~~ 學

開學前會有 3 日既適應班

家長可以陪上堂

每日返 1 小時

晨早起身

婆婆就同你換校服

HAHA

點解咁似我幾年前出嫁

媽咪幫我著褂咁既~

未返過學既你, 非常興奮

婆婆為你準備左芹(勤)菜 / 葱 (聰) / 利是

希望你返學順順利利

一早又有利是收

出門口 LU

個樣好乖巧呀

睇下呢個樣, 幾冧~

每日可以拖住你既小手返學

媽咪覺得好窩心架

校門前

入去要檢查手仔, 脷仔

俾老師睇下個體溫表

然後可以入課室了

因為上星期黎過

已經搵到自己個位

每個小朋友既位都會有自己張相架

上堂前可以玩下玩具

呢排唔知做乜成日蒙埋對眼睇野~

老師講野~

睇得出佢覺得好悶~ 

想象到佢第二時上堂個樣

HAHAHAHA

好啦, 小朋友們要排隊去洗手

佢都算 OK

可以冷靜地排係條線度

洗完手出黎見到有小朋友喊

佢都會望下小朋友

想安慰佢

洗完手返黎就到茶點時間啦

要自己係書包度拎茶點袋出黎

再將入面既茶點工具拎出黎放好

佢都做到 7 成

我覺得老懷安慰架喇

食茶點前要祈禱

第一次

估唔到佢識合上眼睛

食完茶點又要自己執拾

又係做到 7 成啦

都要人幫一幫佢

但我心目中佢已經做得好好了

自己都睇到眼濕濕

點解你大得咁快既?

入好袋再放返書包

跟住就出去體能活動

好開心見到佢可以坐定定聽老師講野

佢既表現真係出乎我預期

我原以為佢會唔理大家走左去 "SIR" 滑梯架

玩左 5 分鐘就返課室準備放學

係呢 1 小時裡面

我熱淚盈眶左無數咁多次

我地既小魔怪要長大了

見到佢聽老師講野, 做指令都可以

我就有萬分既感動~

希望你會喜愛這校園, 這班房, 這走郎, 這禮堂~

日日都開開心心

快快樂樂咁返學啦