2015年10月17日 星期六

17 OCT 2015 一家 3 口, 撇低細佬澳門之旅 - DAY 2

一覺訓醒
又係喪食既開始
JUJU 一起身就食包包
我地買左排包, 一排有 5 條,,,佢自己食左 2.5 條

梳洗好後就 CHECK-OUT
我地早少少就落去百老滙大街行下啦


其實都係影張相啫~
唔駛咁下嘛~


嗯....呢條大街
無我心目中咁多野睇
而 D 食肆亦未開
大失所望呀
(可能晚上會好 D 吧)


見到車又肯合照喎



其實我地都準備出發去食早餐架喇
不過見到呢間有開
就.....食左囉!


JUMA  本身對牛雜既興趣不大
$55 , 可以用 $5 COUPON


JUJU 攝影大師眼中既我地

食完牛雜早點
出發 LU


小朋友最愛玩意
坐行李!
(呢個遊戲有新叫法, 叫 "響響")

無錯, 我地要帶既野太多
所以都係拖喼最方便
澳門又有一大好處
就係去到有賭場既酒店都會有行李寄存服務
KEEP 幾耐都得


我地又搭 SHUTTLE 去 GALAXY 放低行李先

再搭的士去 "喜蓮"
去到剛好是 12:00
可能是 BRUNCH TIME
好多人等位
我地一行十人就更加要等啦

冰室小小的, 有 2 層
而上層亦有 2 張長檯
我地好彩, 本身分開坐既我地, ORDER 後可以轉去上層一齊坐


去到冰室, 飲紅豆冰是常識吧



牛尾湯通粉
飲得出唔係用罐頭湯開既
JUJU 非常喜愛


食左 2.5 條包既佢
都食左一碗呀


 推介炸雲吞
個個食完都話好味
脆卜卜, 熱辣辣



豬扒包
豬扒大過包
略嫌朱扒薄左少少
如果厚切 D 會更好味


平均人頭 $6X , 算不錯吧


食完早餐心情大好
行去官也街路上大跳扭扭舞


由喜蓮行去官也街也不過 10 分鐘
沿途飄來榴槤之香
原來係有途人正在食雪糕

JUBA 當然不放過



$38
仲有一款係頂級 D24 榴槤雪糕
售 $68
太貴了

而且 D24 有試食
我地食左一匙便滿足了
哈哈哈


D24 味道濃郁
食少少 OK, 但如果要一個人食一杯應該會幾 "溜"

其實貓山王也不錯呢
JUJU 都食到停唔到口
我地緊係要極速同佢爭食啦


官也街試食買手信團


BRUNCH 還未消化
我地又要食個葡國 TEA

JUJU 一到就有糖糖食


檸檬蜆
酸酸的, 胃口大開
不過就唔好飲佢個湯, 咸到苦


忌廉馬介休
其實也不錯的, 但因為我地實在吃得太瘋癲
略嫌有少少膩


燒乳豬
乳豬皮超脆口

食完葡 TEA
我地就同大家分道揚鑣
佢地有大人既娛樂
我地就帶小 JU 去見識一番

我地今次去澳門科學館
之前已經聽人講好多野玩好好玩
所以都一直想去

入場費:  成人 @ MOP 25
小童 @ MOP 15 (滿 2 歲就要買飛入場)


入場後 JUJU 就同 JUBA 去玩下先
JUMA 就係一樓泵奶
(有育嬰室架, 雖然唔係太靚, 但都叫設備齊全)

其實呢個科學館分左好多層, 每層都唔大
但就可以分流到 D 人
& 睇見當日 (星期六下午) 都唔多人
可以任睇任玩
真係好過人頭湧湧既香港科學館好多


見到車手係 JUMA 嗎?



水資源互動館仲有得影相
影完可以入返 E-MAIL 俾返幅相你

唉~~ 2 個鐘原來好快過
我地每樣都想玩下
結果未行到一半已經要走

*最後仲發現由低層開始玩先係兒童科學館*
==___==

仲有就係....其實入場前....
會有一個 PLAYHOUSE 俾小朋友玩
FREE 架
如果係果度玩, JUJU 應該都 HEA 到 2 個鐘

呢個科學館太好玩啦
最重要係小朋友可以任玩, 又唔駛排隊排到人都癲

嗯,,,下次再黎我要預係呢度半日先得喇
(JUBA 滴汗中。。。。)

之後又到集合時間
我地竟然成功搭到巴士去目的地
HAHAHAHA

本身話去食翅既我地
因為的士司機同團友講我地揀既呢間唔好味
一度猶豫
最終都係決定博一博
但佢竟然無位喎
HAHAHAHAA
天意~~ 真係天意呀
咁我地就轉食碗仔翅啦 (都係翅啫)

食完翅我地就返香港了

2 天 1 夜澳門之旅咁就完結啦

結論係: 好貴!!! 
HAHAHAHAHA

遲多幾年有機會先再來啦
BYE

2015年10月16日 星期五

16 OCT 2015 一家 3 口, 撇低細佬澳門之旅 - DAY 1

期待已久既澳門之旅
我地黎啦

本身都有諗過帶埋細佬仔架
不過我地又諗住去游水又盛
同埋帶埋細佬又確係要帶多好多野
所以最後還是放低佢跟住婆婆了
等你再大 d 先一齊去旅行啦

今日係星期五, JUJU 要返學
我地就等埋佢放學先出發


嘻~~ 爸爸第一次帶 JUJU 返學

好啦~~ 等到 12:00 放學就出發
**中間有段小插曲, 婆婆要我地帶 JUJU 去睇醫生**
完全打亂晒我地既計劃
好彩最後有好舅父出車相助
我地先可以趕得切船咋


由於返學太攰
JUJU 由搭車去信德中心已經訓著
一直訓到去澳門..........

一出閘已經見到酒店既車


今次我地住今年 5 月先開幕既澳門百老匯呀
係澳門黎講唔算係好靚既酒店
不過勝在係銀河 (GALAXY) 旗下
入住可以免費去 "天浪淘園" 玩

我地星期五入住
PACKAGE 係 HK$1,818 (無早餐)
包 2 張成人船飛, JUJU 果張要額外買

如果比起其它GALAXY酒店
呢間算係最實惠呢


5 月先開
新淨係應該既
JUJU 一入房就上床玩下先
(點解係雙床房?  因為呢間房唔係我地既, 係細佬叔叔 & FDS 架)


未去玩水前, 先飲下奶
真係唔抵得佢咁嘆呀!


攪東攪西, 終於可以出發
百老匯本身唔近天浪淘園
我地穿過酒店行 10 分鐘左右先去 "大倉酒店"
其實都有 SHUTTLE BUS 可以去到大倉入"天浪"
不過等得黎我地都行到 LU


主動要求同此 FLOOR PLAN 影相
真係估你唔到  @.@


見到架電單車, 二話不說坐左上去

好啦, 終於行到去 "大倉" 入天浪
首先, 我地要搵返我地既團友



要係咁大個泳池到搵幾個人實在唔係易事
不過 JUBA 憑心靈感應
係 5 分鐘內就搵到佢既朋友
HAHAHAHAA



本身好興奮既 JUJU 
見到叔叔們竟然呆左, 繼而攬實 JUBA 唔放手


經過一番擾攘後
佢終於肯落地玩下
不過,,,, D 水好凍 =.=""


咁佢就係度玩下沙啦

叔叔們比我地早到 3 小時有多
佢地玩得既都玩晒
加上當日天氣唔算太熱, 日落後無太陽 d 水仲幾凍添
但佢地都肯陪 JUJU 玩
多謝你地咁錫呢粒 JU 呀~


行到去激流, JU 大少話唔玩
一行八人又走返轉頭陪你玩沙!


玩左一陣沙就準備落水啦
要著救生衣


呢位小朋友相當大膽
唔駛我地扶就走左出去


自己用水泡
好興奮咁四圍游


個個圍住佢黎玩
JUBA JUMA 可以抖抖~ 哈~


大膽仔之後仲話唔用水泡
用救生衣就浮到
勁得戚!

之後仲玩左 2 次人造浪
JUJU 表現相當興奮
之後天開始黑, 而且 D 池水確係好凍
我地上水即買左杯 $50 既熱朱古力俾 JUJU 暖暖身

之後就沖身返酒店
休息一陣又出去覓食啦

以前遊澳門多數都係的士出入
宜家真係連的士錢都慳返
各大酒店都會有唔同專車去到澳門半島 / 官也街
只要你唔嫌麻煩就得喇

我地係百老滙搭專車去到 "GALAXY"
再轉專車去到 "大馬路"
再由 "大馬路" 轉的士去十六蒲附近既六記

嘻~~ 如果我地由百老滙直接搭的士到六記
應該都要大約 80 大元吧
宜家只係 30 左右


到啦~
呢度唔算坐得舒服


我地叫左水蟹粥 / 蝦子面 / 炸雲吞
仲有其它小食
水蟹粥幾好味, 有蟹既鮮甜品
食完都唔算口渴
之前係官也街食過間.... 一邊食一邊覺得好口渴
而蝦子面我覺得都好

由於 JUJU 用得太多精力, 所以食到一半就昏睡了
辛苦 JUBA 要抱住佢黎走行程!

之後我地仲食左明記牛雜~~
個汁真係不得之了
豬皮索晒 D 汁真係無得頂呀

明記之後仲食埋我最愛既三元粥
每次黎澳門必食
不過今次食好似有點失色了

食完粥, 仲要買涼茶飲
再上埋大三巴附近搵不倒雪糕
可惜...已打烊
既然都行到上黎
緊係要係大三巴留影啦


澳門喪食團團友們


第一次黎大三巴既 JUJU 
雖然你訓左
但都叫到此一遊吧

其實...行程仲未完
我地 1 家打的返酒店先
其它人就去食糖水
當然佢地唔會瀨低我地啦
仲外賣俾我地食添

哈哈... 半日食左 4 餐
聽日繼續!




2015年10月10日 星期六

10 OCT 2015 聽故事時間 @ 晴朗悅讀

10 OCT 2015

一星期前收到晴媽通知
FB 內有個群組叫 "晴朗悅讀"
是一班媽媽組織的
會不定期舉辦"讀書會"
任何人也可參加, 免費的

不過因場地有限
所以名額會以先報先得形式配給


我知道後緊係即刻留位參加啦
仲好好彩俾我地排到,,,YEAH

JUJU 向來都鍾意聽故事
(我諗係小朋友都鍾意吧)
但,,,,有時我地真係太懶
加上屋企無乜故事書
所以都無日日同佢講呢

我知道, 小朋友係應該養成閱讀既習慣
希望,,,,,遲 D 可以開始啦~~ 哈~~

晴朗也主張分享閱讀
所以都叫小朋友帶 1-2 本自己既小圖書
去到分享俾其它小朋友睇
當然最後會自己拎返走啦

去到睇左一陣小圖書, 匯合到晴晴 (JUJU朋友)
WARM UP 完就開始喇


2 個超專心
跟住一齊做動作
今次我地聽既故事係關於 "聲音"
義工媽咪帶左一本會發聲既書俾大家一齊玩
小朋友們都好投入呀


聽完 "聲音"
又再會有個英文小故事時間
全程用英文講

然後又再會有一個中文小故事

最後仲會有運動同小手工時間
嘩~~ 呢 2 個鐘真係過得非常之充實



雖然今次同晴晴都無乜大交流
不過到最後 2 個都肯拖手仔一齊影相

呢個晴朗悅讀真係好好
除左小朋友有故事聽, 有遊戲玩
對於我呢個無乜講故事技巧既媽媽黎講
獲益良多

希望下次有機會再黎呢度聽故事啦





2015年10月1日 星期四

1 OCT 2015 家族吃貨團

1 OCT 2015
適逄假期
今日我地都無乜特備節目
又唔想留係屋企喎
JUBA 又提議到元朗吃下午茶



位於元朗黃屋村內
如果搭西鐵就行  10-15 分鐘左右
自駕, 村內亦有專用爛地停車場
都幾方便架

由村屋改建而成
有室內 + 玻璃屋位
玻璃屋內都有好幾部直立式冷氣
坐係度又有日光, 又唔熱
都幾舒服架


朋友話假日要排隊, 同埋佢地試過去到某 D 餐係賣晒
我地第一次黎係平日, 無乜人, 不過都有 D 茶餐售罄
今日係假期, 預左要排隊
我地 3 點幾先去到
雖然爆滿
但去到又咁啱有位喎


呢位小朋友飲水好浮誇


YEAH~ TOTO 宜家可以坐到 HIGH CHAIR
我又可以坐得舒服 D 啦


芝士豬扒沙律~~
沙律係雜果沙律, 夠晒凍, 又唔會出晒水
好味!


睇下件豬扒
裡面夾左芝士架
食落又唔會好 "漏", 正!


雞脾沙律
雞脾一般


乾炒牛河
可能瑞士汁落得太多
我覺得太甜啦


迷你版 (巨型) 漢堡包
裡面既料勁多
漢堡扒唔會壓得太實
JUICY~



切開左之後, D 料好似想爆出黎咁


熱狗 + 炸炸洋蔥圈
WU~~ 真係太飽喇
不過我記得都 OK 既

嗚嗚~~ 最想飲既奶茶冰 SOLD OUT ~
下次要再飲過!!


一家人影下相
你地 2 個可以俾下面一齊望鏡頭嗎?


食飽飽就返屋企等公公
玩一陣先


玩玩下, 突然發現 TOTO 係 JUBA 既懷中訓著左
哈哈~~ 超得意呀

等公公返黎
我地又要出去食晚餐喇
唔想再獨姑一味去金滿庭
JUMA 就提議去食近期大熱既汽蒸鍋

由於好多間已經 FULL BOOKING
JUMA 搵左半個鐘終於搵到一間有位喇



我地叫左呢個餐
有刺身, 有海鮮


刺身讚!
好新鮮


期待已久既汽蒸鍋


其實一個餐真係好多野食
海鮮類好正
全程只係用蒸黎煮
D 鮮味完全地出晒黎


敗北既係
呢盤雞
太多調味喇 (有味精!)
食完好口乾, 又太咸
本身覺得成餐都好好好好味
但係食完呢個完全扣分!!

由於呢盤雞太多油
滴晒落個湯度
而個湯又要黎整泡飯
ER~~ 真係覺得呢個雞累左個飯
本身好鍾意食泡飯既 JUMA 都對個飯無興趣呀!!

好啦~~ 如果有機會我會試下人人都讚好既 "潮福"
等我呀~~

**我地係度食飯見到修哥**
本身 JUJU 話想搵佢影相
但佢老人家行動好敏捷, 好快走左
哈哈哈哈哈