13 NOV 2012 又拍拖睇戲

又到二人拍拖時間

今日老公約左我去睇戲

我地就去左勁耐無踏足過既

"旺角"

要快食但又唔想食 mC 記 / KFC

朗豪坊 FOOT COURT都係一個唔錯既選擇

不過真係太耐無黎過旺角啦

好似 D 舖頭變左好多咁

以前 NEW YORK FIRED 既舖頭變左台食 - 小台北

今日有 D 想食滷肉飯

 就你啦

UM... 個飯到左

但係我覺得有少少唔妥

 我明明叫左茄子滷肉飯

咁我 D 茄子呢?

老公幫我換返

但係呢度完全唔好味

杯奶茶又奶還奶, 茶還茶咁

我唔會再黎食啦

老公就叫左泡菜公仔面

穩陣野

好少會難食既

今日要睇既戲

老公講左好耐

所以呢套戲係要睇架

雖然我都唔太記得第 1 集內容

同埋我自己對外國人面孔有少少認知障礙

只要果個人轉左個髮型 / 著衫個 STYLE 唔同左

我都唔太認得

KAKAKAKA

重點係我地 7 月時入左 UA LOYALTY CLUB

有兩張戲飛送, 又要 COUPON

今次用左 $2 COUPON 買汽水!

仲有試左呢個焦糖古古力爆谷

我覺得好好味呀

以前我都唔鍾意食爆谷既

又貴又熱氣

但同左老公一齊之後就鍾意左食喎

唔通真係近朱者赤?

9-12 NOV 2013 特雜

係呀, 好懶呀

一次過見到相就寫啦

9 NOV

JJB 表姐生日

邀請左 JUJU 一齊切生日蛋糕

祝 JJB 表姐身體健康

 日日都開開心心

快 D 有個細佬/妹就好啦

切完蛋糕同公公婆婆出街食飯

剛剛裝修好既金滿庭

上面呢個係蟹粉撈面

偏咸

本人不太欣賞

蟹粉小籠包

都係一般般啫

10 nov

見到韓國姐姐要影返張相先

其實影完我都唔記得左係咩人 lu

係車仔放監出黎

好開心

嘻嘻

仲可以摸下姐姐個手印

之後又落左反斗城大暴走

見到 thomas

不斷拉/扯/搣

下, 你無接觸過 thomas 架喎

點解你會咁鍾意佢架?

11 nov

呢位懶洋洋

呢期鍾意趴係度睇電視

公司同事送既水壼

12 nov

勁耐無食既油渣面呀

雖然無以前細細個咁好食

但耐唔耐我都會好掛住佢既味道

呢位小朋友身體非常之咁好

下次可以帶佢去挑戰石春路

7 NOV 2013 美心超人

今日放工無無聊聊

就帶 JUJU 落街行下啦

HAHA

超級街坊裝既 JUJU & JU BA

早兩日行過美心見到有新蛋糕

就買左個黎試下啦

新推出既栗子蛋糕

呢個係飯後甜品

以前我唔鍾意食栗子架

但呢個食落又幾好喎

唔甜又唔會好滯咁

HAHA

你呀,,,無得食

飲水啦

呢張買既時候話可以坐到 3 歲

我諗唔得囉

宜家未夠歲半都好似坐得好辛苦咁

同埋坐得一陣就想逃走

都係算吧啦

今次係你最後一次坐喇

呢張檯會俾有需要既 BB

因為真係好無聊

所以美心超人誕生左喇

KAKAKAKAKAA

啱啱好又有個位俾佢望到出黎喎

如果第二時佢返學要做環保勞作

美心蛋糕盒都係一個好選擇

不過玩左一陣美心超人就覺得攰

要變返真身了!

5 NOv 2013 我們的結婚兩週年

時日如飛

原來唔經唔覺我地已經結左婚兩年

呢兩年黎多謝老公既照顧

尤其是有埋 juju 之後

屋企所有既家頭細務都係你負責晒

我同 juju 就成日係度嘆

哈哈~ 宜家講起真係有少少唔好意思添

點都好, 好多謝你對我既包容/容忍

我知我有好多不足之處

日後我會多加改善架喇

以後我會叫 juju 多 d 幫你手做家務

有咩你兩仔爺攪掂晒佢啦

哈哈哈哈

好, 講返結婚週年

無特別請假去慶祝

咁就食餐好少少架啦

呢期老公韓佬上身

我特意搵左呢間地點唔錯, 又幾好口啤既韓國餐廳

名家韓國餐廳

今日個 view

8 小碟

可能我本身勁鍾意食醃制野

我覺得碟碟都好食!

非常大膽地叫左個 "韓式生牛肉"

$158

唔知點解果一刻勁想食

其實搵到一間話有 "醃生蟹" 食

我好想食架,,, 可惜呢度無!

咁就叫左呢個生牛肉

牛肉入口勁凍, 但又唔會有雪藏味喎

仲有少少甜味添

撈埋 d 生雞蛋一齊食, 勁滑溜

食完一啖再食隔離果堆 "梨"

爆清甜囉

我同老公都估唔到可以好食到咁

不過兩個人食有少少滯滯地

食完咁生既野

又要食返 d 熱既野暖下個胃

泡菜鍋

$128

我最愛

因為我好鍾意食鍋類既野

泡菜味道剛好, 唔好過酸又唔會過辣

配埋個白飯,,,,一流呀!!

正宗韓燒係會用生菜包住 d 肉黎食既

呢點我都係近期先發覺

因為之前食親都係 "東大門" "漢陽苑" 之類既自助韓燒

邊有生菜包呢樣野呢

上次 BBQ 經家姐介紹之後

覺得包生菜食 d 肉真係無咁油膩

之後 BBQ 都要再買生菜去先得!

黎得呢度, 緊係要叫個生菜籃啦

$60

如果可以多 d 生菜就好喇~

講左咁耐

終於到主菜!

無醃既五花腩

$188

無記錯呢個應該係高級果隻

燒好之後

我宜家一邊寫都仲吞緊口水

唔好睇佢好似好多肥膏咁

食落口一 d 都唔肥

夾埋生菜再加 d 韓式面豉醬

好味到...我唔識去形容喇!

呢個係有醃既連骨牛肋

$245

真係好有牛味架

食評呢家野我真係唔太識去寫

就係 "好味" 兩個字咁簡單囉!

嘩,,,真係 full 到爆

埋單連加一 $857

食完咁多肉, 又想搵野清一清個口腔

本身想去海旁食返個 gelato

不過老公又 openrice 到

Lab Made 分子雪糕專門店

又好, 反正未試過

每日只有 4 個款

A, B, C, D

LAB  裡面不時仲會噴下煙咁

呢個係我地既 "檸檬蛋白脆脆"

好快溶, 同埋好似食風咁

無左食雪糕既感覺

試過就算了

結婚兩週年

平淡但快樂

多謝老公

2 NOV 2013 第一次面試 @ 迦南幼稚園

8-9 月忙於報名

終於今日黎到第一輪面試喇

其實我地無對 JUJU 特別地去訓練

反正佢未到時候我地點迫佢都無用

順其自然啦

有得讀咪讀囉

無得讀咪返 PLAYGROUP 囉

一早, 未訓醒就俾 JU MA 的左佢地兩仔爺陪我食早餐

WAHAHA

JU MA 放工, 又同 JU 仔飲茶啦

飲完茶就去面試

剛好係巴士訓左一陣

所以狀態都好 OK

因為落車仲要行一段路

所以我地...遲左少少

入到去, 家長們已經聽緊簡介會

我就派左 JU BA 去聽

我同 JUJU 就去左另一邊玩玩具

簡介會好快完左

呢間迦南唔算好大

但地方乾淨企理

今日分左五間房進行面試

每間房會有 3-4 張檯分開進行

所以等待既時間唔算耐

我地遲到, 所以編號都係最後既

我地等既期間,,,呢隻 JU 仔不斷周圍走

連在場既老師都話佢好活躍

又周圍撩人玩, 周圍同人 SAY HI

到我地喇, JU BA 派左我入去同 JUJU 一齊 IN

(1)

老師首先問左我平時點叫小朋友

佢就叫 JUJU 個名

JUJU 有望下老師同埋笑

(2) 

老師拎住報名表, 然後問 JUJU 知唔知係邊個

JUJU 繼續傻笑

(3)

俾檯面既玩具 JUJU 玩

但 JUJU 都係鍾情於車車

老師嘗試俾另一 D 訓練手指既玩具佢

佢好快咁推開左

(4)

老師拎左個跳跳虎手偶公仔出黎

問眼/耳/口/鼻

佢未太識

我地問佢都係一時時

所以我都打定輸數

不過 JUJU 又攬下跳跳虎, 又鍚佢喎

我就乘機叫 JUJU 錫鼻鼻 

(因為個鼻凸出黎丫嘛)

佢又真係有錫喎

最後老師問佢耳仔係邊

佢有扯跳跳虎耳仔

(不過我知係撞彩)

HAHAHAHA

(5)

老師俾 LEGO 佢砌

佢無反應

(6)

叫佢放玩具落個欖度

我同佢一齊做, 佢有做到

(7)

JUJU 拎左個電話黎玩

老師同佢講: "喂~~~~"

JUJU 意圖 CUT 老師線, 但係又 "給" 唔正

之後就到問家長問題

1) 平時 JUJU 邊個湊

2) 多數帶佢去邊

3) 有無同其它小朋友社交

問完問題就送熊仔

當然, 呢 PART 我都要叫 JUJU 講 "謝謝" 啦

雖然佢未識講, 但就會點頭

(點頭都係呢幾日學識架咋!)

然後,,,再借用廁所換屎片

D 姐姐都幾好人

我覺得今日 JUJU 整體表現好好

我好心滿意足

雖然佢未係最叻既一群

但我覺得做到要求已經好好架啦

仔~~ 我以你為榮

所以獎你檸檬茶盒一個

(係吉盒黎架)

點解你玩既樣都要咁得戚架?

無學校收唔緊要

你係 JUBA JUMA 心目中是最好的, 你知道嗎?