12 May 2013 我的第一個母親節

5 月的大日子
非母親節莫屬

點慶祝?
無架,,,食餐飯咁啦

年年母親節都係咁架啦
今年做埋人地亞媽
但....真係無乜特別既感覺喎

生完覺得做媽媽真係唔簡單
所以....要俾少少表示婆婆/嫲嫲

貴既我地買唔起
寫張咭表達下啦

係一田買左兩張母親節咭
好貴架,,,,要成 $30 蚊一張架

有請睡夢中既 JuJu 大手大腳一印

yeah!
你已被賣豬仔了

呢張係你第一張送俾婆婆 & 嫲嫲既咭
希望佢地鍾意啦

是日行程非常豐富
先同嫲嫲飲茶
同返婆婆度 hea + 出街食飯


返到婆婆屋企樓下
見到佢

萬人迷戀 RUBBER DUCK!

**********************************************************************************

大舅父買左個蛋糕
目的 1 : 慶祝母親節
目的 2 : 慶祝豐豐舅父仔生日

1 糕 2 用
抵!

切開裡面有心心圖案架
代表
MaMa I love U


之後去左今日既重點目的地

SKY DINING 101
婆婆恨左好耐, 講左好耐
就係特別既 5 月, 送給特別既你
(哈哈~~ 我都可以叨下光)

因為係母親節關係, 所以要食佢既 SPECIAL 餐

我地 6 大 1 B
叫左兩個二人餐

雖則話係 4 人份量, 但我地 6 個人食都幾飽

本人覺得花雕蒸龍蝦球最正



其實質素係有既
不過都幾貴, 值唔值就見仁見智了

屋企人就覺得麻麻地
試過就算了

再加埋 $30 / 杯 X 6 既羅漢果茶
確係好甜好解渴既

再加上, 我地唔記得帶亞仔既粥
即時叫左一碗
亞仔食到 "答答" 聲
果然係識食之人!!

全單埋數 $5,xxx
幾年一餐既話,
都可以既

婆婆, 祝你母親節 + 生日快樂
再祝豐豐舅父仔生日快樂
快 d 搵返個姐姐返黎錫 JUJU

I LOVE U

2 May 2013 愛在家

4 月尾 - 5 月頭豆爸放左個悠長假期
咁豆婆婆都可以放下假
小跳豆又可以平日都係我地屋企感受下家的溫暖

可惜既係媽媽仍然要返工

其實有小跳豆係度既朝早, 我好唔捨得出門口
由佢起身開始, 我既視綫真係唔想離開佢架
╭(╯ε╰)╮
哈

近期學既新招 - 叫爸爸起身

哎唷, 媽媽你睇下, 爸爸咁都唔起身呀

哈哈哈

放工返到屋企
又見到呢隻衰豬仔

幸福滿瀉

Day 248
威喇...宜家可以自己扶住床欄企起身

你個樣可唔可以唔好咁得戚呢?

 中場休息

哈哈,,,但點解你要坐係個角度呢
攝住左好好笑囉

小跳豆: "哼,,,別人笑我太瘋癲, 我笑媽咪看不穿!"

沖完涼
食飽飽, 咁就訓著左

哈哈, 天氣有 D 熱
要著條開浪褲通通風先

幸福的一晚

1 May 2013 YMCA Baby splash wonderland

yo~ 得到 827 媽媽報料
YMCA 有個玩水樂園

我一向都愛水上活動
都好想小跳豆唔怕水
所以唔可以錯過呢個機會呀

早幾日仲落雨落雨落雨
其實落雨帶 B 出街真係好煩呀
好彩當日天色還算 ok
如果唔係我地有機會唔去了

一早好活躍地玩既小跳豆

出街喇, ,,,一直都唔肯訓
平時搭車易訓架嘛

搭到出尖沙咀仲有少少眼訓樣添
大佬~~ 保持清醒呀!

問過 YMCA 話唔可以帶攝影器材入池
佢地會有人幫我地影相
完成課堂後會俾返兩張相我地

所以...無上堂既相

去到 YMCA 會返 827 BB GROUP 既媽媽們
就去換衫喇

YMCA 都幾好, 會有幾個親子浴室
可以一家人入去沖涼/換衫
不過我地上到去就幾個都有人用緊
好彩我係屋企已經著定泳衣, 唔駛咁煩啫
最主要都係同亞仔換
唔駛 10 分鐘我地就 READY 喇

入到池, 仲有時間可以 warm up 下

小跳豆, 無乜表情
好彩亦唔驚

夠 6 個人就會開班
我地 827 小組佔左 5 個位
另外仲有一個外藉哥哥 (2 歲左右) + 一個日藉 bb

一開始就跟住導師做下動作
踼下水, 唱下歌咁
又用水淋下佢個頭, 等佢熟習下環境先
之後就開始玩 up & down
小跳豆玩得好開心
但係外藉哥哥就一開始喊到拆天
有時小跳豆既眼神好似係度笑人咁
哈哈哈哈

等佢地熟左水性之後
仲有浮板玩
等 D BBs 坐係浮板度
我估係等佢感受下浮力掛

導師搵左小跳豆做示範
哈哈~ 因為佢話小跳豆係表現得最唔驚果個

玩完浮板就到水泡
個水泡好正架, 可以俾 BB 趴係度

係類似呢個咁既
以上既圖係淘寶搵既
YMCA 用既係紅色正貨!
BB 可以直接趴係水泡上
後面會有兩個吹氣位固定 BB

唔知係咪小跳豆太瘦喇
有時都會滑落左少少
不過唔會覺得危險

佢趴係上面, 我地企開少少向前推
可能有少少離心力
小跳豆玩得勁開心
仲飲左一啖水
ㄟ(≧◇≦)ㄏ
跟住 "sir" 左兩次小小型滑梯 + 大量鴨仔玩具
1 小時 15 分鐘過得好快
到尾聲, 我地 827 BBs 黎左個大合照
但小跳豆開始扭計囉
因為....已經過晒佢既午睡時間
一直表現冷靜既佢開始爆喊

我地係沖涼房佢都死要痴住
根本好難同佢換衫呀
最後唔理佢爆唔爆喊, 一於換晒衫先算
返屋企先沖涼喇

我再換埋衫出返去
小跳豆已經訓著左, 佢真係勁眼訓呀

完全課堂後會有張 Cert.
呢張係小跳豆既第一張 Cert. 呀

仲有呢張全家福
哈哈哈哈
係開始果時影架
宜家睇返佢個樣已經好眼訓
唔怪得喊到咁啦
<(ˍ ˍ*)>
小跳豆, 第一次上堂
媽咪覺得你表現得好好呀
好開心可以同你渡過第一次下水禮
下次等你無咁眼訓再玩過

28 Apr 2013 8 個月既仔

又遲左一個月先寫 report 喇 

咁返工法一定俾人炒魷魚 

7~8 個月成長 

對身邊好多野都感興趣 

乜都會用手去抓, 用手去掂 

仲會用口去咬 

(牙膠除外) 

⊙﹏⊙ 

食: 

已經食兩餐固體 

MON ~ SAT  都有婆婆既愛心魚粥 

而返到黎, 我地就懶好多喇 

多數都係落百佳買三文魚刺身 + 南瓜/紅蘿蔔/節瓜煲粥仔 

奶~ 加多餐固體之後更加唔願食 

叫佢拎住個奶樽 

佢多數都玩住黎食 

o(╯□╰)o 

 

而且...只係持續唔夠一分鐘既時間 

如果你唔同佢拎住 

佢.... 

就係玩 

o(╯□╰)o 

可唔可以唔好咁呢 

 

Day 219 

呢幾日開始鍾意用手撐起個身 

好似做掌上壓咁 

 ↖(^▽^)↗

然後個身會向前向後咁搖 

當然仲未可以正式爬到 

但我地覺得差唔多時候喇

牙仔 

仲係得一點白 

出左個幾月喇...仲未有進展 

有時都會懷疑佢係咪出緊牙仔架 

仲依然成日係度 "bu"

食手指, 有時我都會拍佢個咀架

當然~~ 換黎就係身邊既人話我啦

其實我都係唔想佢習慣左以為無問題啫

去完旅行返黎

放左呢隻衰豬仔係個 "喼" 入面

佢竟然又坐定定係入面玩喎

我地去旅行期間
呢粒豆進步神速呀

佢竟然
識爬喇
哈哈~ 期待左呢一刻好耐呢
佢仲識坐返低
轉返個方向
再向前進

真係好攪笑呀

仔呀仔~ 以你為榮呀
(>^ω^<)

如果用野吸引下佢
佢仲爬得快 D 添呀

雖然我地唔可以見到你爬既第一步
但見到你又學識一樣野感到自豪

Day 239
姑媽媽三個月前送既戰車
果時仲未識坐既小跳豆
宜家可以玩喇

睇下佢個樣幾咁 "hills"

Day 241
又發現新玩意
梳化!
放佢係梳化頭, 就爬到梳化尾
再上梳化邊

得戚得佢丫
單手就算

小跳豆
轉眼間你又變左中粒豆喇

望住你, 真係覺得生命好奇妙

希望你繼續快快樂樂, 健健康康地成長啦

7-8 個月成長月誌
~ 完 ~

28 Apr 2013 8 個月既仔 (片)

唔知點解之前果篇 post 唔到片囉

~.~

*****************************************************

去完旅行返黎見佢識爬

去片




順手介紹埋呢個 apps
係 Play Store 打 "Magisto" 就會搵到

可以合拼幾條片一齊架

我上面果段就只用左一段
揀左 effect 同歌佢就會自動攪掂


不過要俾錢先可以 save 落自己電話度
我就將佢 upload 左上 youtube 再拎返落黎
呵呵

旅行簡報

數數手指, 原來都年半無去旅行了
本應相約了好友來個十年唔逢一潤既出國旅行
但係種種既原因底下
最後出發既只有我兩公婆!


嘻嘻~~ 呢排日圓係咁跌
我覺得呢個旅行真係去得合時
不過黑仔如我,,, 係 0.085 時已經發左慌咁去唱左一半
跟住臨出發前再唱已經跌到落 0.79X

返到黎仲誇張呀
今朝睇跌到去 0.77X 咋

所以想去既朋友仔不防考慮一下

是次旅行揀左日本 - 東京
係呀~~ {無懼幅射}

其實我地扑搥既時候真係無諗過呢個問題
只係諗東京 / 大阪, 邊個地方多野玩
最後揀左東京
機票係出發前個幾月已經出左

特價機票嘛
要早出, 無得改時間, 無得改人名

仲有就係叔公過身
我都幾衰,,,勁驚無得去旅行呀
不過真係撞期都無計
最後叔公既後事係出發前兩日攪掂晒
唔駛心掛掛

等我簡介下個行程先:-

Day 1  香港 ⇨  新宿

Day 2  新宿 (蟹道樂) ⇨ 原宿 ⇨ 涉谷 (美登利)

Day 3  池袋 ⇨ 上野 ⇨ 涉谷 (大漁沾面)

Day 4  築地市場 (大和壽司) ⇨ 淺草 (色川燒鰻) ⇨ skytree ⇨ 新宿

Day 5  箱根 {宮之下 ⇨ 大涌谷 ⇨ 坐賊船 ⇨ 元箱根 ⇨ 武藏野 (溫泉)}

Day 6  箱根 ⇨ 御殿場 outlet ⇨ 新宿

Day 7  新宿 ⇨ 香港

哇哈哈~~ 希望我可以快 D 出到呢七篇旅行 blog 啦
(仲未 upload 相上 fb 架)

1 Apr 2013 Afternoon Tea @ Nova

又寫返成個月前既野

幾日復活假
同亞仔過左個小小蜜月
精采!  但好累!
1/4 係時候帶佢返婆婆度

前排睇*不眠王子* blog
見佢介紹某間 cafe 好似幾正
睇睇下原來就係婆婆屋企附近
咁就腳, 一於試下!

*招積仔* ==> 佢既新名

(≧▽≦)

宜家曉坐, 我地食野好好多

當然仲要人盯人咁盯住佢

但比起要抱住佢黎食

已經好好多了

影相好似好大舊

其實係細細粒

拉花 cappuccino

大鄉里媽媽第一次飲咋

其實睇 blog 第一時間都係俾佢既拉花咖啡吸引左!

哈哈

叫左兩個餐

原來份量都唔惹少

煙三文魚黑松露炒蛋牛角包

$78

買果時覺得都幾貴

但原來份量相當大

一個人食唔晒架,,,可以同人 share

*招積仔,,,你有得睇無得食呀*

╰（￣▽￣）╭

不過呢個餐只包花茶/汽水

如要飲咖啡就要補錢

黑松露炒蛋幾好味, 唔會有好大陣 "gas" 味

之前試過食黑松露好大陣 gas 味

攪到老公一聽見黑松露就皺眉

第二個餐

蒜蓉炒雜菌 / 是蜜味豆 / 早腸豬肉腸

忌廉千層薯 / 帕爾馬風乾火腿 / 蕃茄沙律

煙肉 / 迷你牛角包 / 煙三文魚卷

仲有個水煮蛋佢另上 * 無影到

乜都有 d

但下午餐黎講份量都唔細架

好彩我地 3 個人食啫

*呢個餐 $108, 送花茶/汽水/咖啡*

可能食個黑松露炒蛋已經飽飽地

所以唔覺話特別好食

我諗都係試過就算

kakakakakaka