20 JUN 2014 台北親子遊 DAY 2 @ 台北師大夜市 ➨ 永康街 ➨ 西門町

離開左飛牛

我地就向台北市區進發啦

出去既時候, 司機話好彩我地叫佢早 D 過黎咋

如果唔係佢就係對面線塞緊車

唔知幾點先入到去接我地喇

好, 我地去左酒店 CHECK-IN 先

今次我地住 <CITY INN 西門捷運店>

地理位置本人覺得唔錯

對面就係遠東百貨

行 3 分鐘就到西門捷運站 3 號閘口

過兩條馬路就到西門町

重點: 對面有間 FAMILY MART!!

老公話好滿意

仲話呢間係咁多次旅行揀得最好既酒店

＜( ￣︿￣)

好了, CHECK IN 完後

司機叔叔就車埋我地過去師大夜市

原來我地離師大都唔係好遠

司機話, 搭的士應該唔會超過 HK$50

佢仲好好地同我地兜左一圈介紹

其實我都無好詳細咁搵過師大既資料

只係知道佢比較多野賣

好喇, 到左

呢度有食店, 亦都有好多賣年輕服飾既小店

又黎張全家福先

你地睇, 有個人個樣幾咁兇狠!!!

就係佢!! 就係佢!!

攪到我無晒心機行街買野!!!!!

好啦, 其實呢度真係好多潮服

價錢又唔貴, 我覺得呢度都值得一去

不過以 JUMA 呢個身型,,,,其實都....唉,,,都係算吧啦

加上有隻 JU 係咁扭計, 不斷扭, 係咁扭...

攪到我都想爆炸!!

JUBA 買左兩件 T-SHIRT

都幾靚架

圍返唔駛 HK$100 件

好抵!!!

雖然呢度好多食店

不過環境好似唔太啱 JUJU

所以我地就打的去不遠既 "永康街"

係司機叔叔介紹既

總店

未夠六點

多人到咁

我地都係走人了

去左轉個彎就到既 "高記"

小籠包唔錯

仲叫左個燉雞面俾 JUJU 食

我覺得好食過係香港 "鼎泰豐" 食果個

好啦, 咁早就食飽

本身想試下雪花冰 / 葱抓餅

不過...扭計 JU 開始眼訓了

金睛火眼

望住我地杯珍珠奶茶幾時有呢

拎完杯奶茶拿拿林跳上的士返歸

呢間就係我地既房喇

細細地, 不過都 OK 既

浴室超大

呢點對我地一家三口帶住個細 BB 黎講係好重要架!

不可缺少的浴盆

入住時講聲就得架喇

有免費既小食

仲有訓得好冧既 JUJU 一個

其實睇佢個網站

係有好多特色房間架

應該係話, 每間房都會有唔同既裝飾

我地呢間,,,,應該係最平實架喇

╮(－_－)╭

其實 JUMA 都唔係無收獲架

我地去左屈臣氏買 MASK

朋友同我講過 DR. WU 係台灣賣得好平

我今次去入貨係事在必行的!!

唔知係我好彩, 定係基本上佢都係長期有優惠

俾我搵到 10 片既優惠裝

NT1399 , 仲要有 85 折!

呢度 20 片 MASK 都只係 NT23XX

圍返每片 HK$32 左右

係香港萬寧專櫃賣緊 $180 / 3 PCS

你話你話, 係咪好抵先!!

好啦, 影完一輪相

我都係時候肚餓!

好殘忍咁嘈醒左 JUJU

落街 LU

過一條小馬路, 再過埋呢條大馬路

你睇, 西門町就係對面咋!

西門町留影

老細 JU 係咁要 "紙閒" "紙閒"

其實佢想講 "自己行"

嘩,,,你 D 懶音呀

(⊙０⊙)

行行下見到雪糕店

JUJU 話要食

講解完一輪之後

最後講: 聽日先食啦, 知道嘛

佢又會好順攤咁答: "知道"

行左一陣, 就買埋宵夜就返酒店了

宵夜 1 號

老公最愛既 "滷味"

豆腐有少少偏咸

反而我本身唔多想食既鵝腸就好好味

夾埋 D 酸菜一齊食

我食左好多

HAHHAHAHA

宵夜 2 號

西門町代表作: 亞宗面線

好似好食過我四年前黎

同埋佢地超快手

呢頭俾完錢

過去拎野食已經入好袋啦

宵夜 3 號

路經見到, 好似幾得意

其實佢係加大牌既小丸子!

安頓好 JUJU 後

我地有得一邊睇電視一邊食野喇

早抖!