19 JUN 2014 台北親子遊 DAY 1 (由香港出發到台北篇)

早晨!

今日終於到左地一家三口去旅行既大日子啦

今日 JU MA 好緊張, 鬧鐘都未響就起左身喇

自己梳洗去, 就執埋 D 日用品落喼

YEAH

出發啦

大喼 + 細喼 + 前一個 + 後一個

係咪好有型呢

你睇亞 JU 訓得幾甜

緊係啦, 朝早六點幾咋!

早一晚同佢換定衫架啦

呢隻 JU 真係好有 "時間觀念" 架

我地去到機場, 佢就識醒喇

JUMA 去完洗手間出黎

就見到呢件會郁既行李啦

行李仔有得坐車勁開心喎!

我地今次搭香港航空

要去到最督督既 K ZONE CHECK-IN

見呢度無乜人

又俾佢自己推下行李啦

影返張全家福先

為左呢次旅行

JUMA 買左部自拍神器呀

<CASIO EX-ZR1200>

自拍真係一流

今個旅程既全家福都係夠佢架喇!

自己推去排隊 CHECK-IN

似模似樣咁

仲識等待

地勤姐姐見到佢都開左個 COUNTER 俾我地 CHECK-IN 呀

<實情係人地去完洗手間返黎啫,,,哈哈>

送走行李啦

估唔到 JUJU 會怕左條輸送帶

CHECK-IN 後就直接入閘食早餐

因為我地帶左包奶俾 JUJU

入閘前都問過, 佢地話同安檢講係俾 BB 飲既多數都得

就係咁

一包 250ml 既奶就跟住我地入左閘啦

同埋宜家機場好好

有家庭通道 <可能一直都有只係我無為意>

 不過當日都唔多人

所以唔知係咪真係會快好多

入左閘就食一個貴過平時既大家樂早餐

JUJU 小朋友有車仔玩就得架喇

等無人駕駛又自拍

亞仔...你回眸一笑個樣實在太殺食喇!

話左俾 JUJU 聽呢架車係無司機叔叔架

唔知點解佢好似有 D 擔心

HAHAHAHAHA

其實攪下呢樣攪下果樣

去到閘口附近已經要登機

(好彩) 見到育嬰室

換完片, 輕鬆上機!

見好多人排隊登機

我地就爭取時間同飛機影下相先

黎緊既個幾鐘就會係呢架飛機渡過啦

係咪好開心呢仔

<其實呢個時候我有 D 擔心

唔知佢上到機會唔會驚?  會唔會爆喊?

定係會扭黎扭去唔肯坐定定?>

不過豁左出去喇

希望唔會係 YOUTUBE 見到我地兩母子大鬧機艙啦

上到機

2 歲以下小朋友係無位架

買機票時香港航空已自動自覺話安排個濶落 D 既位俾我

<但就要早少少去 CHECK-IN 確保個位唔會俾人揀左>

果然個位係可以俾 JUJU 走動

我都安心 D

起飛啦

我地特登為 JUJU 準備既耳塞可以大派用場啦

但我地太蠢了

架機未入跑道我地就塞住佢隻耳仔

最後佢唔耐煩自己整走左

起飛緊既時候佢係無戴耳塞的

好彩佢自己都識吞口水 & 我地同佢一齊扮打喊路

嘩,,,係我最鍾意既雲海

真係百看不厭

無幾耐,,,JUJU 又再訓左

太好啦

我地都可以休息一下

仲可以睇我最愛既  華仔

實在係太開心喇

哈哈哈哈哈哈哈哈

而今次既飛機早餐係

知道裡面係咩嗎?

係一條炸到勁燶既香腸

<聞到 D 味都覺得燶>

我無食到

JU 仔對我好好

瞓足全程咁滯

到左台灣上空先醒

HELLO, 台灣

觀迎我地嗎?

落機前先有機會影返張全家福

瞓醒就自己行

仲話要追前面個哥哥添

JU MA 同 JUJU 換左片

再去埋個洗手間出黎

D 人已經走晒咁滯

咁...JUJU...又可以

大暴走啦

好大個空間俾佢走

已經好開心

行行下, JUBA 又話要飲下水喎

好飲嗎?

入境前就要排隊唱錢

其實唔知匯率係咪真係好 D

<今日兌換率係 3.74>

不過眼見入左境出埋閘後

都仲有好幾間換錢既銀行係度

仲要唔駛排隊

我地又唔係唱十萬九千七

我估爭都係爭幾蚊

下次都係入左境先唱 LU

點解咁講呢?

因為唱錢都唔係要排好耐

出返張上網咭先排得耐呀!!!

我地差唔多排左大半個鐘!!

我地 11:30 落機, 約左司機 12:30 黎接我地

GOTAXI 既服務好好

12:00 左右司機大哥已經打電話俾我地知佢到左

叫我地攪掂再 CALL 佢

原本我地預果一個鐘係食少少野先上車

點知係度排隊出埋咭已經 13:00

之後請教過司機大哥, 佢話 "台灣大哥大" 係最好既私營台

不過隔離唔多人排既 "遠傳" 都幾好既

基本上兩個台都 OK

如果下次去, 睇下邊條隊短就排啦

JUBA 排隊時我就去左隔離買三文治

佢就係我地既 LUNCH

好, 我地到左台北喇

下篇繼續