19 JUN 2014 台北親子遊 DAY 1 @ 飛牛牧場

上回講到我地 JU 一家已經黎到台北

仲係機場排完隊又再排隊

排左成個幾鐘先離開到機場

我地係朋友介紹之下搵到呢間 GOTAXI

我本人覺得服務唔錯

車亦舒適

記得第一次同 JUBA & FDS 去台灣

果時唔曉去包車

係去九份有的士大哥撩我地先知台灣係可以包車既

因為追時間而包左車

果時包果架係細的士

後座位置會比較細

行山路時又會 "鄧"

今次呢架唔係的士

而係私家車, 仲要係七人車

後面要黎放行李

同埋行既多數都係公路

我地 3 個就好舒適咁坐

我地講好左時間,地點,人物

佢就幫我安排好晒

今朝 JUJU 無飲過奶

上左車就俾左包跟住我地過關既奶奶佢飲

大少除晒鞋咁, 幾咁舒適

JUBA 都好滿意

由桃園機場去飛牛牧場

上網睇過要個幾鐘

但我地同司機傾下講下

其實好快到!

去到飛牛牧場係兩點多

本身預定 CHECK-IN 時間係 15:00

不過佢地有房, 可以俾我地入去嘆下冷氣先

飛牛牧場

可以去佢地個網站睇下

放大

建議帶著較細小朋友既家庭最好揀

牧場原憩 / 庭園木屋 / 和式木屋

因為呢幾款住宿都係山上

而牧場內既 3 間餐廳亦設於山上

仲近牧場生態區多 D

如果住 牧場原墅 的話

會行得較遠, 要上上落落

好喇, 我地就係揀左庭園木屋

係獨立屋黎架

得一層

平日 NT3750 / 假日 NT4200

其實呢間係 3 人房黎架

所以有 1 大 1 小床

屋頂係三角型既

平時我地見既樓都係四四方方既

JUMA 都未住過呢 D 屋呀!

同埋冷氣夠晒涼

爽!

洗手間都好大

仲有浴盆提供

咁大個浴室唔好 "SIDE"

天氣好熱, 沖返個涼降降溫先

沖完涼仲可以攤係度睇電視

JUJU: 真係爽過係香港好多呀~ 

入園既時候, 姐姐會俾地圖 & 餐廳既餐單俾我地

仲有推介食物

會簡單咁介紹下牧場

仲會附有 3 張早餐券 + 3 張牛奶券 + 3 張 DIY 烤布丁券

好啦, 休息夠

向牧場出發!!

後面呢間 230 (左手邊)  就係我地屋企 .... 一晚咁多啦

沿路好多樹木, 好有大自然既氣息

不過 D 蚊亦好熱情

JUBA 落車數十秒已經有蚊係咁纏住佢

仲送左幾撻 "咖喱雞" 俾佢

之後我地就防蚊露 + 防蚊貼並用

D 蚊先唔敢再埋我老公身!!

好彩, 我同 JUJU 係唔會惹埋晒 D 狂蜂浪蝶返黎!!!!

好,,,終於黎到我地第一站

就係

食雪糕!!

唔好睇佢個樣食得咁痛苦呀

其實佢都不知食得幾滋味

呢個冰淇淋係飛牛牧場自家出品架

係用佢地既新鮮牛奶黎整

食落有好濃既奶味

小朋友當然大愛

睇佢食到幾浮誇!

呢度就係 FLYING COW 速食店

有漢堡包賣架

唔知佢地既牛肉係......係邊度黎架呢?

相連仲有一間小型超市

所有既小食都係奶類製品

杯面....NO WAY!!

好啦, 真係抖夠喇

係時候要去親親大自然

我地跟住指示牌去到童玩區

嘩,,,嘩嘩嘩

呢度好靚呀

好似睇日劇見到 D 細路仔玩既公園咁

呢度係郊區

會有好多小昆蟲

不過出得黎親親大自然就預左

豁出去啦!

小朋友唔會理你乾淨定污糟

總之有得玩就得啦

JUJU 玩到唔願走

但我地仲要去餵羊餵牛

佢幾唔願意都要走 LU

呢度雖然好熱

但又唔會好似香港咁焗到個人好憫

童玩區向上走

好快就見到大草地

JUJU: 嘩,,,走呀走呀

草地側邊就有兔寶寶的家

有一堆好懶既兔仔

叫佢完全無反應

直至......

我地去買菜餵佢地食

佢地先好雀躍咁跳過黎食野

可能平時唔會餵到佢地好飽

佢地好多都爭食

有 D 兔仔仲有少少爛肉

見到都覺得佢地好慘

餵完兔仔, 行落 D 又有山羊

山羊同兔仔都一樣

見有人餵野食, 就衝過黎啦

有一隻無角既山羊, 就係咁頂走食緊既羊

JUBA 話無角既山羊唔啱

所以罰佢無得食

然後又去餵其它羊

ER... 本身呢...係 JUMA 同 JUJU 去餵既

唔記得呢隻叫咩羊喇

佢地係食乾草既

咁餵餵下,,,,又一大班羊衝出黎

唔好意思, 佢地實在太臭

JUMA PASS 俾 JUBA 接力!!

因為又有另一對情侶黎餵

以致越來越多羊衝出黎

佢地既味越黎越大

JUMA 亦越行越遠....遠....遠....

好喇, 到呢 D 綿羊

佢地既咩咩聲好似係度鬧人咁架

好攪笑

同樣, JUMA 只可遠觀

JUJU 比我叻好多

起碼可以近距離咁望佢地

其實呢度餵動物食既糧食都係誠實商店買架

JUBA 又買左d 葉黎餵綿羊

呢位牧羊 JU

快 D 餵啦

唔係 D 綿羊又咩咩聲咁鬧你架喇

之後又去睇未夠 8 個月, 只可以飲奶唔食得草既牛 BB

沿路仲會見到有牛食草/飲水

咁樣睇下行下又影下相

好快又到六點

係時候食飯啦

我地會去 5 隻牛餐廳食火鍋

餐單

我地叫左個澳洲板腱牛肉餐 (NT350)

外加: 粟米 (NT30), 烏冬 (NT30), 魚丸 (NT50) & 雞柳條 (NT120)

湯底就緊係揀左呢度既招牌: 樂活鮮奶鍋

不過,,,其實,,,我又唔覺得特別好食喎

攪笑既事情又發生喇

話說今日 JUJU 走走 "that that" 好鬼活躍

運動量極高

就係食食下飯期間

佢竟然

瞓著左!!

實在係太攪笑喇

好啦, 咁你無得食甜品喇

最後仲有呢度既代表作

飛牛布丁

食法好簡單

就係拎起佢用牙纖一督

成個波咁既飛牛布丁就誕生喇

由於 JUJU 瞓左

我地就返 "屋企" 抖下

到 7:30 再叫醒佢

(無錯, 好早, 我地去食晚飯既時間係 6:00)

我地又有活動啦!!

未完全醒晒既 JUJU

見到 D 材料嗎?

我地既第一堂 DIY 活動

奶香烤布蕾!

材料已經量好晒

超簡單

ER... 其實未開始囉

亞仔好交戲!!

等媽咪幫下你啦

我地只要將 D 蛋 "發發發發發"

然後加糖 , 加牛奶, 再加淡忌廉

撈埋佢就得喇

撈好就 "畢" 落自己既蛋糕杯仔度

JUJU 真係有 "畢" 架, 不過係 "畢" 晒落個盤度咋嘛

然後就要勞煩哥哥姐姐幫我地入爐焗 20 分鐘

由於呢個係 DIY 活動

用完既野要自己洗返

我覺得好好呀, 自己用完既野係應該自己負責返

不過 JUJU 仲細

有請 JUBA 代勞啦

等焗既期間仲有野睇

哥哥話需要 3 PAIRS 人

大人細路都得

JUJU 太細, 我地只有看的份兒

原來呢個係一個小比賽

其中一人要打扮成 兔仔/蝴蝶/牛仔

由另一人用奶樽餵佢地飲奶

睇到都覺得好玩

之後仲有 ROUND 2 , 同樣地搵 3 PAIRS 人出黎

我想同 JUJU 出去玩架

但 JUBA 話 D 奶凍架喎, 唔俾玩

好明顯, ROUND 2 既小朋友都係細 D 既

不過, 神奇既事情又發生左啦

HAHAHAHAHAA

今次係要兔仔/蝴蝶/牛仔餵佢地既同伴

HAHAHAHAHA

笑翻了!!

見到中間紫色裙仔既姐姐嗎?

佢 ROUND 1 飲完, 宜家 ROUND 2 再繼續飲!

(好彩我無出去啫 *^◎^*)

好啦, 玩完遊戲

我地又出去借左 D 衫黎影相

小牛 JU

著埋件衫, 好鬼得意呀你!!!

YEAH,,, 影完相

我地既布蕾出爐了

個樣又唔錯喎

我地無落晒 D 糖都夠甜呀

呢度 TOTAL 有 8 個, 我地每人食左一個

仲有五個放係雪櫃明天再食

好喇, 玩足一日

好累喇