台北的第二個早晨!
因為我地既酒店係無包早餐既
所以我地一早就落西門町搵食啦
但原來西門町既食店多數要 11:00 先開
我地搵左好耐都搵唔到一間早餐店
但就有好多的士係度撩人包車
俾 JUJU 搵到佢既景點!
真係好攪笑呀佢
見到 D 卡通公仔就話要影相
好啦, 搵左好耐都唔見有早餐店
咁 JUMA 就提議去 JUBA 最喜愛既 <蜂大咖啡>
佢就係紅樓附近
順手留影
要等位
仲要好熱!
呢度有好多不同既咖啡器材
仲有咖啡杯/壼賣
以我既估計
呢部應該係炒咖啡豆用既機?
好啦, 條隊郁左少少
行入 D 終於有冷氣
同埋有條樓梯可以放低 JUJU 活動下
嘩, 幾多冰滴咖啡壼
等左 15 分鐘左右啦
終於有位
其實之前我地黎都係買外賣咖啡
所以都算係第一次食呢度既野
烘..多..士
外脆內軟架
腿蛋治
唔知以為係公司三文治
不過蛋好味呀
<唔知點解外國既蛋係特別好味 d 既>
JUJU 係咁追食
老公既冰滴咖啡
我既伯爵茶
e~~ 你地駛唔駛咁 SWEET 呀~
我又要 SWEET 下先
點解呢隻小鬼會咁既樣?
因為佢趁 JUBA & JUMA 傾計時
偷飲咖啡囉
哈哈哈哈哈
食飽早餐
走人 LU
蜂大咖啡, 我地會再黎架
<4 年前我都講過同一番說話架>
好啦, 咁近酒店
返去換片先
換完片又出發
今次係 JUJU 第一次搭捷運呀
我地好好彩呀, 得到朋友既報料
原來香港有個台灣觀光協會
佢宜家做緊 <2014年好禮大相送>
我係上機前一日去左拎兩張免費既悠遊咭
裡面仲會有 NT50 儲值
仲可以無限期咁使用添!!
只要拎你地既機票確認信 / 台証 & 酒店確認証明就得喇
不過佢呢個優惠只係做到六月尾
但我估佢不定期都會有唔同既優惠
有意去台灣既可以打電話 / SEND E-MAIL 去問下
台灣觀光協會(香港辦事處)
香港九龍尖沙咀廣東道30號新港中心第二座1010室辦公時間：9:00 至 17:00，星期六、日及公眾假期休息
Tel：2581-0933
Email：info@tva.hk
JU 一家在捷運中
好啦, 中間果位朋友仔好似有 D 累喎
我地係台北車站 轉 淡水線 => 圓山站
睇佢個圖好似好遠咁
原來好快就到
一出站就會見到 <花博公園>
花博公園好大架
有好多個展館
其實要行我諗都要行足一日呀
不過我地黎只得一個目標
就係呢個 "中山親子館"
台北有好多不同既親子館
我上網都睇到眼花
最後見到花博呢度有野行又有野食
所以就揀左呢度了
我地黎到未到 12:00
望入去黑咪咪的
應該係中場休館了
時間表如上
重點是: 免費! & 周一休館
館外偷影
嘩,,,好大呀
知道有網上報名
但因我地唔知路程又唔知天氣
同埋佢應該要國民先有得網上報名
所以我地揀左 WALK-IN
好好彩地
台灣係一個好照顧老弱婦孺 (我) 既地方
呢度有 "娃娃車" 借
實在係太好了!!!
難得 JUJU 大少肯坐
簡直係謝天謝地!
好啦, JUMA 想行既市集原來就係出面
咁我地就行一陣搵食先啦
呢度有唔少特色既商店
好多都係原創既
不過呢度既唔好處就係無冷氣!
搵到呢間 LEGO 主題餐廳喇
上網睇過如果下午茶時間過黎
必定會無晒位
不過以我地咁早黎到
裡面都已經坐滿左
而當日確實係非常無比咁熱
所以我地影左幾張相就走左了
JUJU 與大 LEGO
好啦, 見好多店都未開
我地就搵左間 CAFE 坐低
簡簡單單便是美的菜單
Suave法式茶室「Suave法式茶室」老闆為法國人Pierre，將法國知名的有機茶LØV ORGANIC引進台灣，跟廣大的茶香粉絲們分享。LØV ORGANIC的簡約設計概念來自於斯堪地納維亞的文化，可回收的多色鐵罐、減少不必要的耗材作為包裝，徹底實踐綠色環保生活。茶包則是用有機玉米纖維所製成，完全無膠水以及訂書針，茶葉可以自由的舒展、散發出最天然的茶香。
色彩繽紛既茶包 / 茶具
就咁睇下都覺得開心
好喇, 講返呢個小朋友先
其實佢已經好眼訓啦, 睇下佢, 對眼 DUP 晒落黎
但係都唔肯訓
我同 JUBA 已經搵個有冷氣既位俾佢舒服 D
想佢叉一陣電先再去玩
可惜佢唔領情
好啦, 既然你唔領情我都無謂勉強你
咁我同 JUBA 就飲野啦
我地叫既都係果茶類
而糖方面係可以揀半糖 / 全糖
我貪得意要左半糖
UM... 我諗下次都係要全糖好了
好啦, 見差唔多時間, 就返去親子館睇下
佢分左 3 條隊
第 1 條係網上報名
第 2 條係即場報名
而我地就係第 3 條, 後補位置
現場所見都幾多人
不過好彩地方夠大
我地後補既都可以入去
入去前要探熱
唔知係咪等得太耐,
而 JUJU 因為有少少眼訓有點憫陣
體溫有點稍高
果度既工作人員都好好
叫我地涼一陣冷氣先
<有個哥哥仲幫 JUJU 撥涼>
過左幾分鐘再度體溫
YEAH~~ 可以過關入去啦
呢度分左好幾個部份
我地係短短一個鐘內真係走均晒咁濟!
0-2 歲幼兒區
呢度只係比較小既嬰孩玩
如果有較大既小朋友走左過黎
我見到有員工問佢係咪有弟弟妹妹係度
如果無既, 佢就要過返隔離玩
大小肌肉區
呢度有好多障礙物
可以訓練小朋友既大小肌肉!
仲有呢個兜兜
可以刺激下小朋友既觀感
JUJU 玩得好開心
觀感區
有好多唔同既物件/質料俾小朋友感受下
比較 bb 既玩具
呢個大 BB 走去同 D 小 BB 爭野玩
圖書閣
有幾本好大既圖書
不過呢度,,,逗留唔夠 1 分鐘
JUJU 又走左去了
呢個係俾 D 大少少既小朋友玩架
擲豆袋
呢個好玩喇
原來係個天花度係有個鏡頭既
遠處會有個電視
如果有個人訓左上去向上望
就會係個電視到見到佢架喇
JUJU 與珊瑚
HELLO HELLO
呢張相得黎不易呀
因為又要向上望, 隻手又要定住黎影遠處既電視
仲有攀石區
當然都係俾 D 大既小朋友玩啦
JUJU 未開始爬已經話 "唔得呀"
挑戰失敗, 走人!
呢度仲有好 D 好得意既擺設
任影唔嬲
又走去砌野
我最感動既係
佢玩完會自己放返原位
<証明媽媽既碎碎念是有用的, 各位要加油!>
好啦, 再返去 BB 區玩
1 個鐘真係好快就過
最尾俾 JUJU 發現左呢隻狗仔
佢好鍾意
帶住佢周圍行
可惜,,,我地要走了
因為 JUJU 玩得好開心
所以我同 JUBA 都決定留低再等下一個場次
出左去再登記資料
我地又可以食少少野先再返去 LU
尋日應承左 JUJU 今日食雪糕
同埋今日真係好熱
咁我地就坐低食雪糕啦
JUJU 好乖架
自己食食下又會叫 JUBA 食
又會請我食!
MiDORI
堅持所有冰淇淋原料都是天然食材，並使用在地台灣水果與在地茶葉，不添加任何化學成份或者化學材料，每一球冰淇淋都有滿滿的用心！現採現食，使用小農無毒的時令水果，搭配水果優格醬。店內目前有輕食、下午茶、手工麵包、手工柴燒麻薯、熱壺茶與冰品，並不定時推出老闆娘私房小點
由 JUJU 親自揀左士多啤梨味
的確係幾好食的, 有好重既果味
但又唔會太甜爺爺
我覺得小朋友都好啱食
而且呢隻 JU 由最初將雪條棍直插拎返出黎
到食食下已經自己 "畢" 到好大舊
呢個少少既進步已經夠我樂上一天
到尾段直情俾佢自己拎住食
好啦, 其實 MAJI 市集既中央有個小小的迴旋木馬
只要有係市集消費
放低張單就可以玩架喇
有得玩, JUBA JUMA 仲興奮過個仔
其實呢位人兄已經眼訓到極點
但又點都唔肯訓喎
玩完木馬, 我地就同JUJU去食野
呢度既野食好似都幾濃味
好彩我地帶左即食 BB 飯俾亞仔
去服務中心借熱水加熱就得
雖然 JUJU 唔太喜愛
但都叫有野到肚丫
好喇~~ 攪攪下又已經夠鐘返去親子館玩喇
第二次玩呢個兜兜
呢個人仔已經索性攤係度玩
而最意外既係
佢竟然會玩 D 靜態野!
我諗佢真係好攰!
我地見佢咁文靜
就帶佢去玩角色扮演啦
呢度有小紅帽既角色扮演
我地去到有件豬豬衫
HAHAH...JUJU 好滿意自己既 豬豬 LOOK
HEEHEE
真係好似一隻豬仔係度移動緊咁呀
另外呢度仲會有間比較黑既房
裡面吊住好多唔同既物件
<多數係塑膠食物>
同小電筒
JUJU 都係入面玩左好耐
好喇, 1 小時又好快地過左
出到去, 再去有冷氣既地方 "乙水" JU 訓覺
今次終於都訓得著了
JUJU 訓左
而且又大雨中
所以我地就坐左係市集裡面
買左碗魯肉飯食
UM...其實呢碗魯肉飯都 OK 架
有肥肉有瘦肉, 而且個魯汁甜甜地, 唔會太咸
NT50 -- 超抵!
呢度仲有好多國家既野食架
應該價錢都不貴
不過 JUBA 唔知天氣太熱定想留肚食 BUFFET
佢只係買左一碗俾我咋
當我食完呢碗野都差不多五點
我地又要起程去下一個目的地啦
JU 豬仔真係好可愛呀~~ 睇到我不斷笑呀
回覆刪除係呀, 佢自己都勁鍾意呢個 look~~ 係咁照鏡架~
刪除