唔經唔覺 JuJu 已經踏入一歲了
係時候要準備 N 班報名
斷搵左好多荃灣區既學校
真係有理無理, 搵左先算
搵左有 N 班既, 再係裡面揀
暫時心儀既有
1) 聖文嘉 (夠近, 唔駛搭車)
2) 緣楊 (上網唔少人話好, 貪佢有 outdoor 可以放電)
3) 迦南 (我自己都係迦南校友, 所以都想亞仔讀)
4) 救世軍 (呢間應該無乜希望, 一拎出世紙就要報, 我已經輸左係出生日子上了)
5) 慧中 (都係近期先知有呢間學校, 聽聞都不錯, 所以都會報左先)
暫時會報既係以上幾間
其實我都仲掙扎緊好唔好俾佢兩歲就返學好
返~~ 好似兩歲佢未必 READY
以後仲有漫漫長路
唔返 ~~ 都係驚左會比其它人蝕底
唔合群
唉...真係好掙扎囉
所以都係果句, 有學校收就入去讀
無就唔強求啦
怕龍年效應啊，有N班讀，到時再去 in K1 都醒目d!
回覆刪除如果直接考到心儀學校，由N1直升K1更好，唔駛再去其他學校in K1!
你換了blog 背景吗？及字換了藍色？用手機睇，唔係好睇到藍色字啊！
刪除呵呵,,,我又轉返個手機背景喇~
刪除我本身對 n 班 / K 班無乜研究~
刪除所以....都係亂咁黎...哈哈哈
轉了之后，现在睇得好清楚了！
刪除我都無研究，但揾学校过程中，多了些心得！