謝謝 827 莎拉媽媽既安排
我地 827 小群組有個小小的考試模擬日
因為莎拉媽媽有朋友 "MS. LAM" 讀緊兒童心理
加上佢有少少朋友係幼稚園教師
係互惠互利既情況下就促成了這次的模擬日
當日去左朗朗家既 CLUB HOUSE 玩
BOOK 左一個面試室 (其實只係一個房仔)
我地抽到第 3 個面試
所以去遊戲室 WARM UP 下先
呢個遊戲室超多野玩
適合晒唔同年齡層既小朋友
羡。慕。中。。。。。
我發現 JUJU 唔太合群
佢多數玩 D 人地唔玩既野
"定係...JU MA 唔合群呢?"
玩左一陣就到我地面試喇
我抱住 JUJU 坐低
佢都坐得定
MS. LAM 俾左一個波波 JUJU , 再叫 JUJU 俾返 MS. LAM
JUJU 竟然放係 MS. LAM 既手
然後再縮手
兩﹑三次都係咁
HAHAHAHA, 笑屎我地幾個
之後 MS. LAM 又會問下眼晴係邊
但其實佢仲未識 (因為我無好認真咁教過)
咁我就由得佢啦
係爸爸提下水咁
之後又俾本書仔 JUJU, 叫佢指喵喵係邊
當然 JU 仔又係未識啦
爸爸又會提下佢
最後成個面試完啦
MS. LAM 會同我地分析下
基本上每間學校都會用唔同既方式去面試
有 D 係單獨, 有 D 係群體
佢地問既野未必係想知小朋友識幾多
而係想睇家長 & 小朋友之間既溝通 / 互動
所以我,,,係唔合格
HAHAHA... 因為我覺得要俾小朋友自己去試
而唔係下下係側邊提佢
而我覺得下下提住佢, 佢好似唔係好獨立咁
原來呢個諗法係唔啱既
之後就出去玩
捐山窿
超鍾意 "SIR" 滑梯
婆婆有時都會帶佢落樓下公園玩
我都完全唔知佢識自己坐係度
再用手借力 "SIR" 落黎
仲識等我地數 1,2,3 先 SIR
好攪笑呀!!
各 bb 單獨面試完之後
就到群體喇
呢個 club house 真係超正呀
會有一個 for bb 玩既房
見果度比較小人
可以俾 ms. lam 觀察下各個小朋友既反應
我都話架啦
juju 又自己坐埋一邊喇
到最後家長們走左出房
我都未過到隔離房咋, juju 就爆喊喇
我勁想抱返佢走啦
一黎佢本身都無乜安全感
二黎唔想佢影響到其它人
雖然話呢個只係模擬試
但我都要好好考慮清楚係咪真係有需要咁早就要佢返學呢?
