14 FEB 2014 邊食邊煮雙料情人節

雙料情人節

諗左好耐想點同老公過

最後我地決定唔出街食

(因為一定好難 BOOK 位 + 貴!)

諗左好耐唔知食乜

周圍八下

本身諗住係 OCEAN THREE 訂蠔

點知又俾我 CLICK CLICK 下見到佢有情人節餐喎

拿拿林 SEND 料俾老公

佢話 OK 就即訂

$568

有咁多野食, 都算合理

滿 500 仲可以免費送貨

不過怕佢送貨會好早送到過黎

最後揀左去觀塘自取!

之後我地仲加左個龍蝦湯

加左個紅毛豬前火腿

仲加左個海膽

加加下加到成千蚊!

hahahahaaha

放工即飛車去觀塘拎野

嘩嘩嘩, 超多人呀

好明顯 OCEAN THREE 有備而戰

15 分鐘左右就完成交易

滿滿一袋

同老公會合之後去左又一城再買罐頭桃 + 士多啤梨 + 沙律

終於, 返到屋企啦

6 隻蠔

返到黎要用冰水浸一浸佢先

是日晚餐

好!  頭盤黎個海膽先

不過...呢個海膽麻麻地咋

無之訂過第二間既鮮甜

有少少失望囉

懶係浪漫咁點下蠟燭先

(實情係呢 D 蠟燭已經放左好耐, 咁啱行過見到佢先點黎用咋!)

YEAH~~ 老公第一次開蠔成功!

蠔身唔算肥美

不過我鍾意食呢 D 呀

太肥美我反而覺得好 "漏"

呢隻啱我食, 有少少海水味

近呢兩年想食沙律都會去買呢類包裝沙律

勁方便

啱晒我呢類懶人!

今次買唔到蜜瓜

所以用黑醋沙律菜伴紅毛豬腿

不過呢個豬腿比較硬 & 太油

係我整前菜既期間

叫左老公表演扭波仔俾我睇

就係咁...我有花收啦

雖然係叫先有

不過都多謝你啦

哈哈哈哈

收完花又要繼續煮啦

鵝肝

上網有好多食譜

今次我揀左用蜜桃伴碟

鵝肝撲粉

用熱左既煎 pan 每邊大約煎分零鐘就得架喇

之後就到蜜桃

連汁煮下佢

留返幾舊落去返去煎完鵝肝既煎 pan 度煎

再加黑醋

嘩,,,完成了

跟住又到龍蝦湯

座返熱佢就飲得

不過可能係佢太大樽啦

座熱需時

最後拎到出黎都唔夠熱

老公又諗到蠟燭既另一用途啦

(其實幫助不大)

眼見都好夜了

所以就飲左呢個唔凍唔熱既龍蝦湯啦

呢樽湯推廣價都要 $168 架

但....可以唔駛買囉

唔知係咪我地座得唔夠熱啦

覺得佢好粉丫

其實食到黎呢度

我已經有 d 飽

但仲有牛扒豬扒未煮

老公話佢仲有位食

最後決定只係煮牛扒, 豬扒留返下次吧!

澳洲和牛肉眼扒

輕輕煎, 落少少鹽, 少少黑胡椒已經夠晒味!

sweet sweet  甜品就係大大粒士多啤梨!

嘩,,,好 FULL 呀~

老公仲由一支花扭到變一束花

多謝你

是日晚餐食到十一點幾

仲要洗野沖涼訓覺

早抖!