5 DEC 2013 老公生日食豪 d @ 蟹膳

5 DEC 2013

老公生日

係一個好值得慶祝既日子

所以我決定豪一豪佢

請佢食餐好既

登登~ 生日魚旦

祝你好似 D 魚旦咁, 圓圓碌碌, 金銀滿屋

呵呵呵

好喇

食完前菜

到主菜啦

其實呢間野我心思思想食好耐架喇

早係一年前我已經話老公生日要黎呢度食

上網睇過話一個餐都要過千

所以都有定心理準備的了

一入到去

我地坐 BAR 檯

你地睇, D 餐具都靚過人

BAR 檯既師傅見我地自拍得咁辛苦

就主動話幫我地影相

HEEHEE

咁樣既服務態度咪就係 GOOD 囉

左睇右睇

叫左個最貴既鱈場蟹+毛蟹+海膽餐

會有一隻細毛蟹 + 半隻大鱈埸蟹

(2位起)

先黎個前菜

係日本枝豆

呢個...哈哈...唔駛驚

只係裝飾黎架啫

呢度都有聖誕既擺設

聖誕樹既燈係玻璃鏡度反映返出黎

好似星星咁

好浪漫呀

冷盤: 魚子醬 + 海膽 + 蟹刺身

鮮味無比

魚子醬加埋海膽食

唔會有咸到苦既感覺

海膽夠晒清甜

蟹刺身入口即溶

嘩,,,好想再食呀!!!!

蟹刺身收埋左係海膽底下, 所以影唔到

淨係見到個樣都覺得值回票價

蟹 + 海膽茶碗蒸

個蒸蛋勁 "動 L" , 好有蛋味

蛋裡有熟左既海膽, 但本人唔太喜歡

海膽蟹棒燒

脹卜卜, 啖啖肉

魚子醬 + 海膽 + 流心蛋天婦羅 + 蟹肉

呢個不得之了

本身唔知中間果舊係咩

一問之下先知係流心蛋天婦羅

師傅話有兩個食法

1) 原個天婦羅食

2) 拮開佢令蛋汁流出, 再撈埋 D 蟹肉一齊食

我揀左前者

而老公被迫揀後者

WAKAKAKAKA

呢個係食法 2

我仲未諗得明點解佢炸得黎裡面仲係流心?

蛋汁撈埋蟹肉, 令蟹肉更細滑

點解可以諗到咁食架

好味到想喊

之後輪到 SYABU SYABU 啦

一個清湯 + 蟹就攪掂啦

仲會有一個菜藍

勁好肉地, 蟹肉彈牙架!!!

熟左點下佢地既醋

嘩,,,,我,,,唔識點形容喇

食到尾聲

師傅又幫我地將 D 飯放入鍋裡面

仲會問我地想食稀定杰

最後落埋 D 蟹羔

幾飽,,,都要食!!

我既甜品: 柚子雪巴

老公既芝麻雪糕

走喇, 門口既哥哥 (我地懷疑佢係老闆)

見我地望住 D 蟹又同我地介紹下佢地啦

仲教我地分公/乸

是日晚餐盛惠: $3,XXX

真係好貴, 但又覺得值得

HAHAHA

好矛盾囉

一世人係要食一次既

我就覺得好味過日本既蟹道樂

蟹膳

你要等我

等我中左六合彩

又或者發左達

我一定會帶埋 D 親朋戚友黎搵你架

老公, 雖然呢餐貴左 D

不過我都係想你食得開心

我以後會慳 D 洗架喇

KAKAKAKAKAKA