回顧: 13 Feb 2013 5個半月。食糊仔喇

早係小跳豆 4 個幾月
豆婆婆已每天嚷著食糊仔﹑食糊仔
當然~~ 我呢個狠心既媽媽唔同意
世衛建議純母乳六個月
雖然小跳豆食奶食得唔太好
但我相信佢有足夠營養的

亦有一個自私既原因
我想見証小跳豆既第一餐固體食物
想睇下佢食野果時既心急樣

(我覺得我已經 MISS 左佢好多個第一次,
每次婆婆好興奮咁同我講今日 BB 識 D 乜乜乜
心裡都不是味兒)

5 個月左右係萬寧買左糊仔
豆爸話要等過埋新年先好餵
因為怕小跳豆腸胃唔適應, 有咩都有醫生睇咁話!

今日係假期最後一日, 可以試食喇!

我地揀左 HOLLE
宜家咩都要 "Organic"

用人奶黎開
但好似開極都好稀咁
加左好多粉都係稀?!

最後唔理了, 照俾佢食

爸爸抱住, 我餵
第一啖, 樣很衰!

點解個樣會食得咁痛苦呢?

唔好俾佢個樣呃到
其實佢好鍾意食
俾遲一陣都嘈到拆天
(又可能係佢勁肚餓)

最後食晒半碗仔再補 3 安奶

呵呵~
第一次試食成功!
Y(^_^)Y